Face-to-face classes gisugdan na sa usa ka eskwelahan sa Agusan del Norte, laing tulo gi-validate pa
DAGBAYAN SA BUTUAN -- Nagsugod na ang face-to-face classes sa usa ka eskwelahan sa Agusan del Norte ug nag-prepara na usab karon ang probinysal nga buhatan sa Department of Education (DepEd) Agusan del Norte alang sa dugang pang mga eskwelahan nga maghimo niini.
Kini base sa Regional Memorandum No. 0023 Series of 2022, Enero 11, 2022 o ang
“Validation of the Schools Applying for the Expanded face-to-face classes”.
Sa pagkakaron adunay upat lamang ka skwelahan sa probinsya sa Agusan del Norte
ang gikonsidera nga makasugod sa face-to-face nga klase. Girekomenda kini sa
public schools district supervisors ug gikonsidera sa validation base sa
school’s readiness.
Sa upat usa ang gitugotan nga maghimo sa face-to-face classes nga gisugdan
niadtong bulan sa Enero. Kini mao ang Simbalan Elementary School sa Buenavista.
Ang laing tulo nga gi-konsidera mao ang Bokbokon ES, Durian ES sa Las Nieves ug
Tabon ES sa Carmen nga kinahanglan pa iskedyul sa pag-validate sa Regional
office kung andam naba kini sa pag implementar sa face-to-face nga klase.
Ang nasangpit nga mga eskwelahan gi-recommend tungod kay anaa kini sa mga hilit
nga lugar ug usa ni sa mga lugar nga nahibaw-an nga COVID-free.
Ang pwede lang maka operate alang lang sa kindergarten, Grade 1 hangtud sa
Grade 3. Sa usa ka classroom, gilimitahan lamang kini sa 15 ka studyante ug
sulod sa tunga lamang sa adlaw o tulo hangtud upat ka oras nga klase.
Sa buhatan sa DepEd-ADN gimugna ang composite team nga adunay 16 ka personahe
nga mo tutok ug mo act nga technical field assistance.
Ang pag validate base sa gisunod nga School Safety Assessment Tool (SSAT) 2021
mao ang mga indicators sa pag manage sa school operation sama sa shared
responsibility; alternate work arrangement; classroom lay-out and structure;
school traffic management, protective measures, hygiene practices, and safety
procedures; ug communication strategy.
Dugang ni Montante nga usa sa mga requirement nga mo qualify ang skwelahan nga
i-validate ug ma-qualify mao nga ang mga magtutudlo fully vaccinated na.
(Agusan Up, LGU-Agusan del Norte/DepEd-Agusan del Norte/PIA-Agusan del Norte)
