AgNor nanguna sa grupo nga nag-repair sa mga nadaut nga atop sa balay sa Jabonga
DAKBAYAN SA
BUTUAN -- Nanguna ang probinsya sa Agusan del Norte ubos sa 'Bayanihan
Composite Team' sa pag-repair sa mga panimalay nga labing naguba sa Typhoon
Odette, kaniadtong Enero 10, sa Barangay Colorado, Jabonga, Agusan del Norte.
Ubos sa
'Bayanihan Composite Team' mao ang Probinsya sa Agusan del Norte, sa pagpanguna
ni Gob. Dale B. Corvera, 2nd Provincial Mobile Force Company (PMF), Technical
Education and Skills Development Authority (TESDA)-Agusan del Norte, SR Metals
Incorporated (SRMI), 29th Infantry Battalion, ug ang municipal government sa
Jabonga. Tahas sa
maong grupo nga ayohon ang mga atop sa matag panimalay nga naguba tungod sa
bagyo.
Ang naghatag sa
roofing materials sama sa sin pang-atop, lansang ug uban pa mao ang SR Metals
Incorporated.
Usa ang Brgy.
Colorado sa ubay-ubay nga barangay ang napili isip pilot Barangay sa lungsod sa
Jabonga. Magpadayon pa ang pag repair sa ubang barangay sa nosunod nga mga
adlaw.
Apil sa maong
kalihukan sa pagpang-repair sila si Provincial Administrator Gerry Joey S.
Laurito isip representante ni Gob. Corvera, Rey S. Cueva, hepe sa TESDA-Agusan
del Norte, PLt. Col. Richie M. Yatar nga gi representahan ni PSMS Vincent
Cosicol sa PMFC, ug mga personahe sa Jabonga. (Shean Mae Pabia, LGU-Agusan del
Norte/PIA-Agusan del Norte)
