(PAGASA 24-HOUR PUBLIC WEATHER FORECAST as of Wednesday, 01 February 2023) Northeast Monsoon affecting Luzon and Visayas. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Cloudy skies with scattered rainshowers and thunderstorms due to Shear Line. Possible flash floods or landslides due to moderate to at times heavy rains. Moderate to Strong winds coming from Northeast to North will prevail with Moderate to Rough seas / (2.5 to 4.0 meters).


Tuesday, January 18, 2022

SurSur PHO mipahigayon og pagbakuna sa COVID-19 booster shots sa Tandag

DAKBAYAN SA TANDAG, Surigao del Sur – Nagpahigayon adlawng Martes, Enero 18, ug pagbakuna sa COVID-19 booster shots ang buhatan sa Provincial Health Office (PHO) ngadto sa mga Surigaonon nga boot makaangkon niini. Gipahigayon ang maong aktibidad didto sa Telaje Covered Court nga nahimutang sa Barangay Telaje, syudad sa Tandag.

Sumala pa impormasyon nga gipagawas gikan sa maong buhatan, ang gipahigayon nga aktibidad usa ka “special operation”. 

Gibutyag usab niini nga ang paghatag og bakuna nagsugod sa may alas-8 sa buntag hangtud alas-3 sa hapon. Posible usab kini molapas sa oras nga gikatakda, depende sa gidaghanon sa boot makapahimulos sa maong serbisyo nga gihanyag sa gobyerno. Pwede usab maka-avail o makapahimulos ang publiko sa primary dose batok sa COVID-19 dungan sa "special operation".

Sa mga boot makapahimulos sa booster shots, gikinahanglan ang tagsa-tagsa ka mga vaccination card isip pagpamatood nga naka-kumpleto na sa una og ikaduhang doses sa maong bakuna og basehan usab kung angayan o kwalipikado na modawat sa maong indibidwal sa bakuna. (NGPB/PIA-Surigao del Sur)