300 ka banay nakadawat sa ayuda sa Agusan del Norte
DAKBAYAN SA BUTUAN -- Mosuma sa 300 ka panimalay sa upat ka barangay sa
lungsod sa Jabonga, Agusan del Norte ang unang batch nga nahatagan og shelter
assistance sa probinsyal nga panggamhanan nga gipadangat pinaagi financial
assistance sa lokal nga panggamhan sa Jabonga nga gisugdan niadtong Enero
12.
Ang unang upat sa 15 ka barangay nga unang nahatagan sa mga construction
materials mao ang Barangay Bangonay, Magsaysay, Colorado ug San Pablo.
Ang nasangpit nga financial assistance base sa Provincial Resolution No.
519-2021 gikan sa Quick Response Fund ubos sa Rehabilitation and Recovery
Program sa panudlanan sa probinsya nga ang tanang munisipyo ug syudad sa
probinsya makadawat og pinansyal nga assistance tungod sa damyos nga dala ni
Typhoon “Odette”.
Sumala sa pesonahe sa Municipal Social Welfare and Development Office
(MSWDO) sa Jabonga nga ang matag benepisyaryo makadawat og construction
materials sama sa lansang, sin, plainsheet ug plywood nga mokabat og PhP10,000.
Dugang sa personahe sa MSWDO nga mosuma sa 659 ka household ang na
identify sa 15 ka barangay sa Jabonga ang maka benepisyo sa maong ayuda.
Magpadayon ang pagpadangat sa maong ayuda sa mosunod nga mga adlaw.
(Shena Mae Pabia, LGU-Agusan del Norte/PIA-Agusan del Norte)
