Bulan sa Oktubre gidiklarang IP Month sa Jabonga
DAKBAYAN SA BUTUAN -- Gideklara nga Indigenous Peoples (IP) month sa lungsod Jabonga ang bulan sa Oktobre ug ikatulong adlaw sa Miyerkulis isip IP Day.
Ubos sa maong ordinansa, sa pagpangamahan ni Sangguniang Bayan Member
Randy P. Catarman, gipalig-on niini ang adlaw alang sa mga lumad gitunong sa
bulan sa Oktubre aron ipakita ang ilang kultura ug tradisyon nga adunay dakong
pagtahod sa pag-apil sa komunidad sa IP ngadto sa pagsulong sa mga kinabuhi, ug
socio-culture development sa usa ka komunidad.
Uyon ang Sangguniang Panlalawigan sa maong lakang aron sa pagpalambo sa
mga katungod ug ug partisipasyon sa mga IPs sa pagpalambo ug pagpreserbar sa
lumad nga cultural nga mga komunidad, ingon man usab kini sa pagpalambo sa
sosyal, pisikal, intelektwal ug spiritual nga mga aspeto sa mga IPs, ilabina
ang tribong Mamanwa nga nagpuyo sa munisipyo.
Kini subay sa RA 8371, ang Indigenous People Rights Act of 1997 o ang
IPRA Law of 1997 ug uyon sa Presidential Proclamation No. 486, declaring
October 29 isip National Indigenous Peoples Thanksgiving Day.
Gi-aprobahan ang Sanggunian Resolution No. 476-2021, sa pagpangamahan ni Provincial Board Member Randy P. Catarman, tsirman sa Committee on Indigenous People’s Concern atol sa ika-114th regular session niadtong November 15, 2021. (Jessica O. Mellejor, LGU-Agusan del Norte/PIA-Agusan del Norte)
