(PAGASA 24-HOUR PUBLIC WEATHER FORECAST as of Tuesday, 05 December 2023) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Moderate to Strong winds coming from East will prevail with Moderate to Rough seas (1.2 to 3.1 meters).


Monday, January 17, 2022

24 Active cases ng COVID-19, naitala sa Tandag City

LUNGSOD NG TANDAG, Surigao del Sur -- Inanunsiyo noong Biyernes ni Tandag City Mayor Roxanne Pimentel na wala pang nangyayaring surge ng COVID-19 dito sa lungsod.

Mayor Roxanne Pimentel
Batay sa ulat mula sa pamahalaang lungsod, napag-alaman na nasa 24 pa lang ang bilang ng mga active cases sa COVID-19 ang naitala.

Gayunpaman, naging mahigpit ang paalala ngayon ng lokal na pamahalaan sa pangunguna ni Mayor Pimentel para sa lahat ng mga Tandaganons na sundin palagi ang mga minimum public health standards laban sa nasabing sakit.

Ito ay bahagi umano sa mga paghahanda sa posibleng surge nito sa darating na mga araw dahil na sa presensya ng Omicron variant sa bansa.

Ipinaintindi nito sa publiko na ang pagkalat ng virus ay magdedepende sa kung gaano kadisiplinado ang bawat isa sa pagsunod sa mga health protocol kontra COVID-19.

Inabisuhan rin ni Mayor Roxanne ang lahat ng mga tao na hindi pa bakunado sa COVID-19 vaccines na magpabakuna na sa lalong madaling panahon. Habang ang mga fully vaccinated naman ay hinikayat rin na magpabakuna na ng booster dose. (Raymond Aplaya, DXJS RP-Tandag/PIA-Surigao del Sur)