Kampanya alang sa VAW-free community, gitapos sa usa ka seremonya nga nag-awhag sa tanan pagsuporta niini
DAKBAYAN SA BUTUAN -- Gihimo sa probinsya sa Agusan del Norte ang culmination program sa 18-Day Campaign to End Violence Against Women 2021 nga nagdala sa temang “VAW-free community starts with Me.”
 |
| Board Member Elizabeth Marie R. Calo |
Gihimo kini sa pagpanguna sa buhatan sa Provincial Social Welfare and Development Office (PSWDO) sa Provincial Capitol.
Gisugdan ang kick-off ceremony sa probinsya niadtong Nobyembre 22 diin nagka lain-laing kalihukan ang gihimo alang sa mga empleyado sa matag opisina sa kapitolyo isip mga partisipante.
Ang 18-Day Campaign to End VAW subay sa kampanya sa nasudnong panggamhanan ubos sa Philippine Commission on Women (PCW) nga gi enact ubos sa balaod sa Safe Spaces Act (SSA or Republic Act No. 11313)
Apil sa mga nahimong kalihukan sa kampanya mao ang VAW caravan sa free flu vaccination ug mga serbisyo sa Technical Education and Skills Development Authority (TESDA), indigay sa matag opisina sa kapitolyo sa Badminton Tournament, Orange Your Icon ug “Babae, Bumangon ka”-video presentation.
Ang mga mananaug sa indigay mao ang mosunod:
Alang sa Ladies
Double badminton: 1st placer - Provincial Treasurer’s Office (PTO) nga
nakadawat og PhP5,000, 2nd placer - Provincial Accounting Office (PACCO) nga
nakadawat ug PhP3,000, 3rd placer - Provincial Engineering Office (PEO) nga
nakadawat ug PhP2,000;
Mixed Doubles: 1st placer ( PhP5,000) Cabadbaran District Hospital (CDH), 2nd placer (PhP3,000) PTO/PGSO, 3rd placer ( PhP2,000) Provincial Accounting Office (PACCO), 4th placer ( PhP1,000) Sangguniang Panlungsod Office (SPO) ug consolation prize nga PhP500.00;
Sa Orange Your Icon: 1st placer ( PhP15,000) PHRMO, 2nd placer - (PhP 10,000) Placer PACCO, 3rd placer (PhP5,000) Provincial Disaster Risk Reduction and Management Office (PDRRMO); ug
Babae Bumangon ka: 1st placer (Php10,000) Provincial Planning and Development Office (PPDO), 2nd placer (Php7,000) Provincial Jail Office.
Sa mensahe ni Board Member Elizabeth Calo isip chairperson sa Committee on Social Welfare, Population and Nutrition, iyang gipasabot nga ang adbokasiya para maundang ang Violence Against Women [VAW] dili lamang kampanya para sa mga kababayen-an kondili kampanya usab sa tanang katawhan nga manimbasog sa pagsuporta sa maong adbokasiya.
“The campaign against Violence Against Women is a continuing effort for all of us, not just ang kababayen-an ang mo advocate… What we really want is peace for our families. When there is peace there is development. Sa atong community kung naay kalinaw naa pud siyay kalambuan,” sumala ni BM Calo.
Ang kampanyang VAW kabahin usab sa programang AMOMANG Agusan sa AGUSAN UP! ang kampanya sa pagpalambo sa administrasyon Dale B. Corvera ug Kong. Angel Amante-Matba.
Mitambong sa maong culmination sila Board Member Elizabeth Marie R. Calo, PSWD officer Silver Joy B. Tejano, mga hepe ug uban pang mga empleyado sa kapitolyo. (Shena Mae Pabia, LGU-Agusan del Norte/PIA-Agusan del Norte)
