(PAGASA 24-HOUR PUBLIC WEATHER FORECAST as of Thursday, 30 June 2022) At 3:00 AM today, a Low Pressure Area (LPA) was estimated based on all available data at 1,020 km East of Northern Luzon (17.2°N, 131.3°E). Southwest Monsoon affecting Southern Luzon and Western Visayas. ACTIVE TROPICAL CYCLONE OUTSIDE PAR AS OF 3:00 AM TODAY TROPICAL DEPRESSION (FORMERLY "CALOY") LOCATION: 565 KM WEST OF CENTRAL LUZON (15.4N, 114.7E) MAXIMUM SUSTAINED WINDS: 55 KPH GUSTINESS: UP TO 70 KPH MOVEMENT: WEST SOUTHWEST AT 40 KPH. Caraga region will experience partly cloudy to cloudy skies with isolated rainshowers or thunderstorms due to Localized Thunderstorm. Possible flash floods or landslides during severe thunderstorms. Light to Moderate winds coming from Southwest to Southeast will prevail with slight to moderate seas (0.6 to 2.1 meters).



Wednesday, December 15, 2021

Land preparation sa mga mag-uuma ubos sa Plant! Plant! Plant!, gihisgutan

DAKBAYAN SA BUTUAN -- Gitagud-tagod sa mga representante sa mga opisina sa probinsyal nga panggamhanan sa Agusan del Norte bag-uhay pa lamang, and detalye sa mga termino ug proceso sa ilusad sa dili madugay nga pahulam alang sa galastuhan sa land preparation sa mga mag-uuma nga apil sa proyektong Plant! Plant! Plant! ubos sa AGUSAN UP!,  ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.

Ang pagpahulam sa mga mag-uuma usa sa mga nakitang kritikal nga suporta aron maseguro nga daghan kanila makaapil pagkab-ot sa gipunting nga makatanum sa 125,000 ektaryas nga underutilized o bakanteng mga luna sa yuta sa probinsya pag-abot sa tuig 2027.

Ang gisugyot sa AGUSAN UP! Coordinating Center programa mao ang pagpahulam og labing daku Php10,000 matag ektarya nga land preparation fund ug ning inisyal nga yugto, labing daku alang lang sa duha ka ektarya.

Nahisgutan usab nga ipailawom ang maong pahuwam sa pagdumala sa Provincial Enterprise and Economic Development Office (PEEDMO).

Ang nag-unang unod sa diskusyon mao ang pagseguro nga mabayran sa mga mag-uuma ang maong kantidad nga gitakda sa labing dugay duha ka tuig.

Ubay-ubay pang concerns ang gipadayag kalabot ning maong lakang apan nagkahiusa ang tanan nga kinahanglan gyod ilusad ang pahuwam isip usa sa mga suportang serbisyo sa probinsya aron makab-ot ang mga gipunting niini nga ang-ang sa paglambo ning higayona. 

Apil sa nagdagan na karon nga mga suporta sa Plant! Plant! Plant! mao ang pagpadangat og libreng seedling sa siyam ka priority crops – abaca, saging, kape, cacao, lubi, bulanghoy, rubber, commercial trees, mangga ug ubang prutas – organic fertilizer ug mga pagbansay.

Ubos sa AGUSAN UP!, ang proyektong Plant! Plant! Plant! magsilbing kaluhang proyekto sa Process! Process! Process!, ang serbisyo nga maoy mopahiluna sa mga processing activities pagseguro nga naay mosawo nga merkado nga maoy mopalit ug mo-proseso sa mahimong ani. Pinaagi niini, nakita sa probinsyal nga panggamhanan nga makab-ot ang panglantaw niini nga mahimong “Agri-Processing Center in the Caraga Region” ug makahahatag sa katawhan niini ug “makatagbaw nga kahimtang sa pagpuyo”. (Janicesa Dramayo ug Nibika Villanueva, LGU-Agusan del Norte/PIA-Agusan del Norte)