(PAGASA 24-HOUR PUBLIC WEATHER FORECAST as of Saturday, 27 November 2021) Shear Line affecting the eastern sections of Northern and Central Luzon. Intertropical Convergence Zone (ITCZ) affecting Palawan and Zamboanga Peninsula. Easterlies / Localized Thunderstorm affecting the rest of Mindanao. Caraga Region will have Partly cloudy to cloudy skies with isolated rainshowers due to Easterlies / Localized Thunderstorm. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate coastal waters / (0.6 to 2.1 meters). /span>



Wednesday, November 3, 2021

Pahalipay sa mga senior citizens sa Nasipit gi-dak-an

DAKBAYAN SA BUTUAN -- Makadawat na og P500 cash incentives ang mga kwalipikadong senior citizens sa lungsod sa Nasipit ning lalawigan sa Agusan del Norte atol sa ilang adlawng natawhan. 

File photo

Kini sumala sa gi-amendar nga ordinansa sa maong lungsod  nga gi-aprubahan ug gi-deklarang balido sa Sangguniang Panlalawigan, pinaagi sa Sanggunian Resolution No. 427-2021.

Matod pa sa nangamahan sa ordinansa nga si Sangguniang Bayan Member Paterno S. Corvera nga gamay ra ang P300 mao ang hinungdan nga gi-usab sa Sangguniang Bayan sa Nasipit ang miaging Ordinansa sa Munisipyo Numero 009, Serye 2016.

Ubos sa Seksyon 6 sa maong ordinansa, ang mga Senior Citizens makadawat sa ilang cash incentives alang sa ilang adlawng natawhan sumala sa iskedyul sa pag-grupo nga ihatag matag katapusan sa bulan sa kada quarter. Ang ilang tagsatagsa nga cash incentives ihatag sa bulan sa Marso, Hulyo, Septembre ug Disyembre.

Ug aron matubag ang gisugyot nga pagdugang sa cash incentives, kinahanglan usab nga usbawan ang paggahin sa badyet gikan sa orihinal nga badyet nga P910,000.00 himuon nag P2,000,000.00 ang pondo.

Ang ordinansa subay sa RA 7432, “An Act to Maximize the Contribution of Senior Citizens to Nation-Building, Grant Benefits and Special Privileges and for Other Purposes”. 

Giuyonan kini pinaagi sa pagpaningkamot ni Provincial Board Member Elizabeth Marie Calo ug Rodulfo A. Pitogo, niadtong ika 110th regular session. (Jessica O. Mellejor, LGU Agusan del Norte/PIA Agusan del Norte)