Adlaw sa mga kalalakin-an gisaulog sa Caraga
DAKBAYAN SA BUTUAN -- Subay sa International Men’s Day kaniadtong Nobyembre 19, nagpahigayon ang Commission on Population and Development (POPCOM)-Caraga og information caravan mahitungod sa Responsible Parenthood-Family Planning, Adolescent Health ug Development information and services.
Dungan sa selebrasyon, gipahigayon sa POPCOM uban sa local government units (LGUs) ang seminar sa Kalalakihang Tapat sa Responsibilidad at Obligasyon sa Pamilya (KATROPA) sa Brgy. Obrero, Butuan City ug sa Buenavista, Agusan del Norte.
Ang LGU sa Gigaquit, Surigao del Norte nagpahigayon usab sa maong seminar nga gitambongan sa mga barangay leaders and workers.
Gimugna ang maong kalihokan aron mas mapasabot ug mapakita kung unsa ka importante ang papel sa mga kalalakin-an sa maternal and child care, ug sa responsible parenting.
Sa laing bahin, nagpahigayon ang Provincial Population Office sa Surigao del Sur og usa ka Fun Run nga gisalmotan sa kalalakin-ang trabahante gikan sa provincial ug city LGUs. (Mc Celedeña/Daisy Jane Apit, POPCOM/PIA-Caraga)
