(PAGASA 24-HOUR PUBLIC WEATHER FORECAST as of Saturday, 27 November 2021) Shear Line affecting the eastern sections of Northern and Central Luzon. Intertropical Convergence Zone (ITCZ) affecting Palawan and Zamboanga Peninsula. Easterlies / Localized Thunderstorm affecting the rest of Mindanao. Caraga Region will have Partly cloudy to cloudy skies with isolated rainshowers due to Easterlies / Localized Thunderstorm. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate coastal waters / (0.6 to 2.1 meters). /span>



Friday, November 5, 2021

College Educational Assistance Fund Program sa lungsod sa Nasipit gipalapdan

DAKBAYAN SA BUTUAN -- Gi-aprubahan ug gi-deklara nga balido sa Sangguniang Panlalawigan ang Municipal Ordinance No. 012-2021, gikan sa lungsod sa Nasipit, ning lalawigan, o ang “Revised Ordinance on College Educational Assistance Fund Program (CEAFP) of Nasipit, Agusan del Norte,” atol sa ilang ika 110th nga sesyon regular.

Sa maong ordinansa, nga gipangamahanan ni Sangguniang Bayan member Vicente M. Cocon, nagtumong sa pagpalambo sa programa sa edukasyon sa kini nga munisipyo pinaagi sa pinansyal nga pagtabang sa mga kabus apan angayan nga mga estudyante nga interesado nga magpadayon sa ilang edukasyon sa kolehiyo nga hinungdan sa pagkuha og trabaho sa umaabot.

Ang nasangpit nga lakang naglangkob sa tanan nga kwalipikado nga estudyante nga graduate sa Senior High School sa munisipyo sa Nasipit nga magpadayon sa edukasyon sa kolehiyo nga adunay minimum nga duha (2) ka tuig nga kurso ug  maximum nga lima (5) ka tuig nga kurso, wala’y labot ang mga summer classes. Dugang pa, ang mga estudyante nga kwalipikado ubos sa programa sa CEAFP kinahanglan nga mag-enrol sa kolehiyo sa bisan unsang eskuylahan sa sulud sa Butuan City ug Agusan del Norte lamang.

Basi sa seksyon 8 sa maong ordinansa, gihatagan og special privilege alang sa mga indigenous peoples (IPs) diin adunay maximum nga tulo (3) ka mga slots ang ihatag kanila nga adunay sertipiko isip mga myembro gikan sa tribal chieftain/pinuno nga iindorso sa representante sa IP sa Sangguniang Bayan, aron isumite sa LGU Scholarship Screening Committee (LSSC). Ang mga scholar sa IP exempted na  qualifying examination test ug kinatibuk-ang average nga 80%.

Adunay alokasyon nga P5,000.00 kada studyante matag semester o P10,000.00 matag tuig.

Wala’y utlanan ang ihap sa mga scholar nga mahimong makapahimulos sa programa basta aduna pay pondo.

Bisan kinsa nga eskolar nga nakagradwar nga adunay dungog ihatag ang mga musunud nga insentibo Cum laude- Certificate with cash incentive of Php 2,000.00.

Gi-aprobahan ang maong ordinansa pinaagi sa Sanggunian Resolution No. 417-2021, sa pagpangamahan ni Provincial Board Member Rodulfo A. Pitogo, tsirman sa Committee on Education and Culture kauban ang mga co-authors nga si Hon. Elizabeth Marie R. Calo ug Hon. Benjamin D. Lim, Jr. (Jessica O. Mellejor, LGU-Agusan del Norte/PIA-Agusan del Norte)