(PAGASA 24-HOUR PUBLIC WEATHER FORECAST as of Friday, 22 October 2021) At 3:00 AM today, the Low Pressure Area (LPA) was estimated based on all available data at 525 km East of Guiuan, Eastern Samar (11.5°N, 130.5°E) embedded along the Intertropical Convergence Zone (ITCZ) affecting Palawan, Visayas, and Mindanao. Caraga Region will have Cloudy skies with scattered rainshowers and thunderstorms due to ITCZ / Localized Thunderstorms. Possible flash floods or landslides during severe thunderstorms. Light to Moderate winds coming Northeast to Northwest will prevail with Slight to Moderate seas / (0.6 to 2.5 meters).



Thursday, October 14, 2021

MSME sa Surigao Norte nakinabang sa Livelihood Seeding Program ng DTI

SURIGAO CITY, Surigao del Norte -- Sa gitna ng nararanasang krisis ng ekonomiya dulot ng pandemya, ilang micro, small at medium enterprises (MSMEs) sa lalawigan ng Surigao del Norte ang natulungan ng dti sa ilalim ng programang Livelihood Seeding Program - Negosyo Serbisyo sa Barangay.

Sa kasalukuyan ay mahigit 20 barangay na ang napuntahan ng Department of Trade and Industry (DTI) - Surigao del Norte kung saan mahigit 150 negosyante na ang nabiyayaan ng livelihood kits na nagkakahalaga ng P5,000 hanggang P8,000.

May mahigit kumulang isang libong residente naman ang nabigyan na ng training at business information seminar

“Layunin ng nasabing programa na matulungan ang ating pamahalaan ang mga maliliit na negosyante na maipagpatuloy ang kanilang munting negosyo na siyang ikinabubuhay ng kani-kanilang pamilya,” sabi ni Arnold Faelnar, DTI-Surigao del Norte provincial director.

At dahil nga nais ng pamahalaan na dalhin at mailapit ang mga serbisyo sa komunidad, inilunsad din nitong martes ng dti-surigao del norte sa pamamagitan ng Negosyo Center – Surigao City at sa pakikipagtulungan ng lokal na pamahalaan ang Livelihood Seeding Program sa barangay Poctoy, Surigao City.

Nagkaroon ng pagtalakay ng financial literacy at entrepreneurial mindsetting sa ilang partisipante.

Ayon kay provincial director Faelnar, patuloy din anya ang dti sa pagpapatupad ng iba pa nitong programa at hinihikayat ang may gustong mag-negosyo na pumunta lamang sa pinakamalapit na negosyo center sa kanilang lugar.

“Pwede kayong lumapit sa Negosyo Center upang kayo’y matulungan sa pagmamarket ng inyong produkto sa pamamagitan ng trade fair at One Town, One Product (OTOP) centers. Mayroon ding management, pricing and costing, at entrepreneurship trainings,” ani Faelnar. (VLG/PIA-Surigao del Norte)