(PAGASA 24-HOUR PUBLIC WEATHER FORECAST as of Friday, 22 October 2021) At 3:00 AM today, the Low Pressure Area (LPA) was estimated based on all available data at 525 km East of Guiuan, Eastern Samar (11.5°N, 130.5°E) embedded along the Intertropical Convergence Zone (ITCZ) affecting Palawan, Visayas, and Mindanao. Caraga Region will have Cloudy skies with scattered rainshowers and thunderstorms due to ITCZ / Localized Thunderstorms. Possible flash floods or landslides during severe thunderstorms. Light to Moderate winds coming Northeast to Northwest will prevail with Slight to Moderate seas / (0.6 to 2.5 meters).



Monday, October 11, 2021

DA, BOC naghiusa og pagsikop sa mga smuggler sa produktong agrikultura

DAKBAYAN SA BUTUAN -- Naghiusa ang Department of Agriculture (DA) ug Bureau of Customs (BOC) sa kasabotan nga mag-implementar og bag-ong mga lakang sa pagsikop sa mga smugglers sa produktong agrikultura ug arun masiguro nga adunay kaluwasan sa pagkaon alang sa mga konsumante sa Pilipinas.

Sa nahitabong kasabotan kaniadtong October 8, 2021, gi-uyonan nila Agriculture Secretary William Dar ug BOC Commissioner Rey Leonardo Guerrero nga pahugtan ang pagabuhatong mga inspeksyon sa “second border” ug magmugna og Technical Working Group (TWG) arun masusi ang 15-anyos na nga sumbanan ug pamaagi sa pagdumala og mga inangkat o imported nga mga pagkaon.

“Atong katuyoan nga ma-undang ang pagsulod sa gi-smuggle nga mga agri-fishery products ug masiguro ang kaluwasan sa atong mga konsumante subay sa mga probisyon sa Republic Act No. 10611 o ang ‘Food Safety Act of 2013’,” sigon ni Secretary Dar. Ang pagabuhaton nga inspeksyon sa second border aduna usab imbestigasyon nga pagahimuon lakip sa mga misdeclared goods, ug masilotan ang mga madakpan niini.

Dugang pa ni Secretary Dar nga ang mga fresh ug frozen agri-fishery cargoes mupailawom gihapon og “open-close”examination sa “first border” o port of entry, pero mas strikto na ang pagahimuon nga inspeksyon pag-abot sa nagdesignar nga mga warehouse o “second border.”

Ma-implementar na kini nga lakang kung mahuman na ang gitukod sa DA nga mga pasilidad sa “first border” sa mga major ports nga gisugdan sa Subic, diin gitawag kini og Commodity Examination Facility for Agriculture (CEFA).

Ang namugna nga TWG gilangkoban ni Agriculture Assistant Secretary for Regulation Liza Battad nga maoy nahimong Chairperson ug ang co-Chair niini mao si DA Asst. Secretary for Economic Intelligence Federico Laciste. 

Samtang pagatutokan ni BOC Deputy Commissioner Intelligence Group Raniel Ramiro ug Assistant Commissioner for post-clearance audit group Vincent Phillip Maronilla, ang sanitary and phytosanitary measures, food safety standards, ug uban pa nga mga regulatory measures sa ipahigayon nga first/second border inspection ug control procedures.

Ang mga miyembro sa TWG gilangkoban sa mga nagkadaiyang heads sa DA regulatory agencies sama sa Bureau of Plant Industry, Bureau of Animal Industry, Bureau of Fisheries and Aquatic Resources (BFAR), ug National Meat Inspection Services (NMIS) ug uban pa nga mga ahensya. (DA Caraga/PIA Caraga)