(PAGASA 24-HOUR PUBLIC WEATHER FORECAST as of Saturday, 27 November 2021) Shear Line affecting the eastern sections of Northern and Central Luzon. Intertropical Convergence Zone (ITCZ) affecting Palawan and Zamboanga Peninsula. Easterlies / Localized Thunderstorm affecting the rest of Mindanao. Caraga Region will have Partly cloudy to cloudy skies with isolated rainshowers due to Easterlies / Localized Thunderstorm. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate coastal waters / (0.6 to 2.1 meters). /span>



Friday, October 29, 2021

Bag-ong IPMR gilatid mga plano alang IPs 

DAKBAYAN SA BUUTAN -- Sa paglingkod ni Dakula Randy P. Catarman isip bag-ong Indigenous Peoples Mandatory Representative kun IPMR sa probinsya sa Agusan del Norte human kini nanumpa sa maong posisyon kaniadtong Oktubre 18, 2021, gilatid dayon niya ang iyang mga plano alang sa mga indigenous people sa probinsya.

Atol sa ika-112th sesyon regular sa Sangguniang Panlalawigan niadtong Oktubre 25 gilatid niya ang pito ka programa ug plano nga pagatagaan niyag dakong pagtagad  sa iyang termino ug mao kini ang mga mosunod:

• Pag establisar og Intercultural council sa mga  IP Leaders aron mapalig-on pa ang panaghiusa sa tulo ka mga tribo sa probinsya ug mahiusa ang tumong maski adunay nagkalain-laing kultura ug tradisyon alang sa ikalambo niini.

• IP initiative to resolved insurgency diin tumong niini ang pagbaton ug profiling ug pag identify sa mga direkta o involved sa Communist Party of the Philippines kun CPP, New People’s Army (NPA) ug National Democratic front kun NDF nga mga aktibidad diin tinguha sa maong IPMR nga makunhuran ang mga nikalaban sa gobyerno.

• Leadership Enhancement aron ang mga IP Leaders maka-adjust sa kasamtangang sitwasyon ug sila mamahimong adunay katakus hilabi na sa paghimo og resolution ug ordinansa nga may kalabutan sa interes sa ICC’s  o IPs.

• Continuation of IP Census – kini aron makita ang kinatibuk-ang kahimtang sa pagpuyo  sa matag IPs ug ma identify kung unsa nga benepisyo ang pwede para kanila.

• Scholarship for Special Courses susama sa kursong Nurse, Doctor, Engineer ug Law aron kini sila mahimong instrumento ug makatabang sa pagdapig sa mga IPs nga nanginahanglan sa ilang serbisyo sa umabotay nga panahon.

• Access of Basic Services and Employment Opportunities for IP diin kini usa na ka dakong tabang alang sa mga IPs para sa ilang pamilya sa panahong hingpit nga makatagamtam sa mga benepisyo gikan sa gobyerno.

• Implementation of Ancestral Domains Sustainable Development and Protection Plan kun ADSDPP.

Ang maong lakang alang sa malungtarong pagdumala ug pagpalambo sa ilang yuta ug natural resources.

Dako ang tinguha ni Dakula Catarman nga siya mamahimong instrumento ug kaabag sa gobyerno pinaagi sa padayong paghatag og tinuoray nga serbisyo, kalinaw sa matag tribu ug pag atiman sa mga nag-unang panginahanglanon sa mga IPs.

Tahas sa IPMR, nga mamahimong tulay sa gobyerno ngadto sa matag tribung komunidad pinaagi sa paghatag ug saktong serbisyo  sa matag Ips/ICCs.

Si Catarman gikan sa tribung Mamanwa nga gitudlo sa kadaghanan isip paghulip sa tulo ka  termino ni Datu Eddie Ampiyawan. (SV Deligero, LGU Agusan del Norte/PIA Agusan del Norte)