(PAGASA 24-HOUR PUBLIC WEATHER FORECAST as of Saturday, 27 November 2021) Shear Line affecting the eastern sections of Northern and Central Luzon. Intertropical Convergence Zone (ITCZ) affecting Palawan and Zamboanga Peninsula. Easterlies / Localized Thunderstorm affecting the rest of Mindanao. Caraga Region will have Partly cloudy to cloudy skies with isolated rainshowers due to Easterlies / Localized Thunderstorm. Possible flash floods or landslides during severe thunderstorms. Light to Moderate winds coming from East to Northeast will prevail with Slight to Moderate coastal waters / (0.6 to 2.1 meters). /span>



Friday, October 29, 2021

Ba-ong barangay hall giablihan ug gi turn over sa Libjo

SAN JOSE, Dinagat Islands-- Usa ka bag-ong barangay hall ang giablihan bag-uhay pa lamang didto sa lungsod sa Libjo. Alang sa pagsugod sa pormal nga turnover ug acceptance ceremony, gisugdan kini pinaagi sa pag-blessing ni Rev. Father Delfin Jabinez ug gisunod dayon ang cutting of ribbons.

Dakong kalipay ni Punong Barangay Barangay Elorde Pimentel sa Barangay Aguinaldo nga nahuman na ang dugay na niyang gipangandoy nga barangay hall ug mao usab kini ang pinakadako sa tibuok probinsya.

Dugang pa niya, dako kaayo'g gamit alang kanila tungod kay didto kasagaran ipahigayon ang virtual meeting ilabi na karon sa panahon nga aduna'y pandemya ug wala hatagi'g pagtugot ang makatapok-tapok.

Makita sa maong barangay hall ang dedication marker na adunay naka sulat nga “Walang Maliit, Walang Malayo, Lahat Mahalaga” simbolo sa empowerment ug partisipasyon sa katawhan sa komunidad ug nagpasabot nga napatindog kini ug nakumpleto pinaagi sa buwis sa katawhan nga gi-patuman ni Gobernador Kaka Bag-ao niadtong Congresswoman pa siya tuig 2013-2019 ug hangtod karon nga siya usa na ka gobernador.

Dugang nakasulat sa marker ang pagpahinungod sa nahuman nga istruktura kadto nila anhing Francisco "Titing" B. Areglo (1960-2014) ug Florante "Dodo" J. Edera (1957-2015) nga bisan wala na sila ang ilang gibiling pagtulun-an magmalahotayon sa mga pangandoy alang sa bag-o ug mas maayong kaugmaon alang sa Dinagat Islands.

Madasigon usab nga mihatag sa iyang mensahe si Gob. Kaka diin iyang gipasalamatan si Libjo Mayor Lamberto Llamera, Jr. tungod kay siya mao'y sumbanan niya sa paglantaw sa kalambuan sa usa ka lugar maong dili lisod ang kalambuan kung ang usa ka mayor manguna sa paghuna-huna niini.

Dugang usab niya'ng gipasalamatan si Mayor Llamera alang sa pagsiguro nga hapsay ug luwas ang kadagatan ug dalan sa pagbisita ni Australian Ambassador H.E. Steven J. Robinson, AO alang sa 77th Commemoration of the Battle of Surigao Strait wreath laying sa Kanihaan ug sentro sa Libjo.

Sa iyang bahin, si Mayor Llamera nagpasalamat og dako tungod kay wala gayud sila pasagdi ni Gob. Kaka sukad pa sa una hangtod karon ug ubay-ubay na ang mga proyekto nga iyang napatuman sa naasoy nga lugar.

Atol sa maong okasyon nakadawat usab ug certificate of recognition ang mga residente sa maong barangay pinaagi sa mga barangay officials sa panguna ni Punong Barangay Pimentel alang sa ilang aktibong pag-apil sa pakigtimbayayong sa pangagamhanan sa probinsya.

Dili lang kini nga propriedad o proyekto kung dili alang kini sa kinatibuk-ang gibuhat ni Gob. Kaka alang sa katawhan ug komunidad nga nakasentro kanunay ug nagsilbing venue alang sa katumanan sa vision ug fundamentals of governance ilabi na sa conservation sa ecosystem, food security ug productive of basic sectors, protection of vulnerable communities, empowering local government units, ug broadening and strengthening people's participation in all levels of governance sa administrasyon niya karon.

Mitambong sa ang maong okasyon sila Board members Lyn Dialde ug Noli Abis lakio na usab ang pipila ka mga hepe sa ngakalain laing departamento sa kapitolyo, Vice Mayor Zoltan Edera, Sangguniang Bayan Members, ABC President Melody Compasivo, mga kapitan sa nagkalain-laing barangay nga sakop sa Libjo, barangay officials, Department of Education (DepEd) Libjo teachers, ug mga lumulupyo sa naasoy nga barangay. (Dinagat Islands-PIO/PIA-Dinagat Islands)