Records ug cards sa mga benepisyaryo sa PhilHealth program giturn-over sa AgNor
DAKBAYAN SA BUTUAN -- Gi-turn over sa Philippine Health Insurance Corporation [PHIC] sa probinsyal nga panggamhanan ang Member Data Records [MDRs] ug PhilHealth Identification Cards [PICs], alang sa mga indigents sa Agusan del Norte kagahapon, Septyembre 14, sa Provincial Capitol, ning dakbayan.
Ubos sa programa, gipundohan og P26,886,600.00 sa PHIC Group Enrollment Program C.Y. 2021 ang probinsya nga gi implementar sa PSWD Office. Mokabat sa 8,503 enrolled families sa probinsya sa Agusan del Norte ang maka benepisyo niini.
Sa 8,503 ka pamilya anaay 6,434 families niini ang maka avail sa premium nga P3,600.00 diin 100% o full payment na sa tibuok tuig sa 2021 ang i-shoulder sa probinsya.
Ang 2,069 families sa Las Nieves ug Santiago 50% niini ang i-shoulder sa province ug 50% usab sa nasangpit nga mga munisipyo.
Kini mahimong isip dakong kapanukaran o tabang ngadto sa mga most vulnerable families nga dili maka afford sa pag bayad sa maong health insurance.
Ang mga identified o enrolled families gi-endorso mismo sa matag local nga panggamhanan ning probinsya.
Ug ipang-apod apod ang maong mga MDRs ug hulagway sa matag LGUs. (Agusan Up/PIA-Agusan del Norte)
