(PAGASA 24-HOUR PUBLIC WEATHER FORECAST as of Friday, 22 October 2021) At 3:00 AM today, the Low Pressure Area (LPA) was estimated based on all available data at 525 km East of Guiuan, Eastern Samar (11.5°N, 130.5°E) embedded along the Intertropical Convergence Zone (ITCZ) affecting Palawan, Visayas, and Mindanao. Caraga Region will have Cloudy skies with scattered rainshowers and thunderstorms due to ITCZ / Localized Thunderstorms. Possible flash floods or landslides during severe thunderstorms. Light to Moderate winds coming Northeast to Northwest will prevail with Slight to Moderate seas / (0.6 to 2.5 meters).



Thursday, September 23, 201

Oryentasyon sa Solo Parent Welfare Act ug mga serbisyo sa AgNor, gihimo

DAKBAYAN SA BUTUAN -- Gihimo sa probinsyal nga panggamhanan sa Agusan del Norte pinaagi sa Provincial Social Welfare and Development Office [PSWDO] ang “Orientation on Solo Parent Welfare Act R.A. 8972” o ang mga serbisyo sa probinsya lambigit niini sa mga solo parents sa Barangay Simbalan ug Lower Olave sa lungsod sa Buenavista kaniadtong Setyembre 22.

Gi-introduce usab sa maong okasyon ang training services nga ipadangat sa Technical Education and Skills Development Authority [TESDA] sa mga solo parents.

Kapin kon kulang 100 ka solo parents ang nitambong sa maong oryentasyon, ang una sa lima ka batches nga himoon sa pswd.

Tuyo sa maong oryentasyon nga mapasabot sa mga solo parents ang mga serbisyo nga pwede nilang pahimuslan.

“Ang tumong gyod nato aning orientation karon mao ang pagpahibalo sa mga benepisyo alang sa mga solo prarents… Niadto gyod ta sa grassroots kay sila man gyod ang kulang sa orientation. So kita gyod ang mianhi sa ilaha,” sumala ni Rose D. Baclayon, representante sa Department of Social Welfare and Development Office [DSWD]-Caraga.

Sumala ni Jeannette Paredes, representante sa Provincial Social Welfare and Development Office [PSWD], usa sa prayoridad ni Gob. Dale B. Corvera nga matagaan og pagtagad ang mga solo parents sa probinsya. Gitaho nga naay 600 ka mga solo parents sa lungsod sa Buenavista lang.

Padayon ni Paredes nga buot ni Gob. Corvera nga mapadangat gyod ang mga serbisyo sa solo parents aron masuportahan sila sa ilang panginabuhian.

“Abagan mo namo para mahimo mong produktibo sa inyung pagpanginabuhi,” pahayag ni Paredes sa mga solo parents.

Dugang ni Paredes nga nag alokar ang probinsya og Php1Million para sa programa sa solo parents.

Apil sa mga serbisyo alang sa solo parents gikan sa probinysa mao ang medical assistance ubos sa Integrated Social Development Assistance Program [ISDAP], Educational Benefits, Counseling Services, Stress Management Services ug Special Projects.

Apil sa mga pagbansay nga mahatag sa buhatan sa TESDA, mao ang Food processing, Manicure/ Pedicure, Massage ug Haircut.

Gi-tunol usab sa maong okasyon PSWD ang cash incentives ngadto sa siyam ka mga Child Development Workers o Daycare Workers.

Niini, mapasalamaton ang mga solo parents sa maong serbisyo sa probinsya alang kanila.

“Nagpasalamat ko kay naa sila kanunay nagpaluyo sa amoa kay lisud gyod kung kami ra… Magpasalamat gyud ko nga naa si Gob. Dale (Corvera) ug Congw. Angel (Amante-Matba) nga motabang sila sa amoa,” sumala ni Dahlia Cuingco, usa sa mga solo parents. (Shena Mae Pabia ug Ydheil Zagado, LGU Agusan del Norte)