(PAGASA 24-HOUR PUBLIC WEATHER FORECAST as of Friday, 24 September 2021) Easterlies affecting Luzon. Localized thunderstorms affecting Mindanao. ACTIVE TROPICAL CYCLONE OUTSIDE PAR AS OF 3:00 AM TODAY TROPICAL STORM MINDULLE (2116) LOCATION: 1,890 KM EAST OF SOUTHERN LUZON (14.2°N, 141.7°E) MAXIMUM SUSTAINED WINDS: 85 KM/H GUSTINESS: UP TO 105 KM/H MOVEMENT: WEST NORTHWEST AT 20 KM/H Caraga Region will have partly cloudy to cloudy skies with isolated rainshowers or thunderstorms due to Localized thunderstorms. Possible flash floods or landslides due to severe thunderstorms. Light to Moderate winds coming from Northeast to Northwest will prevail with Slight to Moderate seas/(0.6 to 2.1 meters).



Wednesday, August 25, 2021

DOT Caraga mipahigayon og site validation ug inspection sa Pangabangan Beach ug Tidal Pool sa Libjo

MUNISIPYO SA SAN JOSE, Dinagat Islands -- Aktwal nga gisusi sa mga personahe sa Department of Tourism (DOT)  Caraga ang Pangabangan Beach ug Tidal Pool nga tourist spot sa probinsya, kung diin napili kini ug giila sa Tourism Infrastructure Enterprise Zone Agency (TIEZA).

Isip usa ka ecotourism site nga mao'y personal nga gisuta nila DOT- Caraga Regional Director Nelia R. Arina, Supervising Tourism Operations Officer Junesther Jean Iway-Valdez, TOO I Benjie Bona, Admin Officer I Emie Chloie Mejala, Admin Assistant I Christian Menesa sa Barangay Magsaysay, Libjo, Dinagat Islands.

Katuyoan niini nga makita mismo ang tourism site alang sa pag-validate sa maong lugar ug sa pagsiguro nga makuha ang mga tukmang datos nga gikinahanglan sa TIEZA para sa criteria nga gi-set niini isip basehan sa paghatag og proyekto aron sa pag-develop sa maong lugar.

Pipila sa gisuta niini ang aktwal nga natural attraction, cultural heritage values, public utilities, facility, accommodation, market and accessibility, human resource, ug uban pa.

Ang TIEZA usa ka ahensya ilalom sa Department of Tourism (DOT) nga maoy responsable sa pagpatuman sa mga polisiya ug programa sa departamento nga may kalabutan sa pagpapalambo, promosyon, ug pagdumala sa mga proyekto sa turismo sa Pilipinas.

Kini gitukod ilalom sa Republic Act No. 9593 o “The Tourism Act of 2009.” kini nagdeklara sa usa ka nasudnong polisiya alang sa turismo ingon man isip usa ka makina sa pamuhunan, trabaho, pagtubo ug pagpalig-on sa DOT lakip ang mga ahensya aron epektibo ug episyente nga ipatuman ang mga balaod, ug paggahin sa pondo niini alang sa pagpauswag, pagdumala sa mga proyekto inprastraktura sa turismo sa nasud.

Nag-ila ang TIEZA sa Pangabangan Beach ug Tidal Pool sa Dinagat Islands nga usa ka eco-tourism site. Usa usab sa duha ka napiling lugar sa intero rehiyon sa Caraga nga posibleng pagahatagan og suporta sa pagpalambo sa ecotourism activity ingon man sa uban pang infrastructure development nga makamugna sa dugang oportunidad sa katawhan ug turismo.

Nakita usab nila nga abunda ang probinsya sa maanindot nga kinaiyahan nga nagkinahanglan sa padayon nga pag-amuma ug pagpakabana sa importansya niini ngadto sa katawhan.

Gipasabot usab nila nga aduna pa'y dugang ug subling pagbisita alang sa final validation ug site inspection sa mga naasoy na eco-tourism site diin kini pagadumalahan mismo sa mga personahe sa TIEZA.

Mapasalamaton usab sila sa maayong pag-abi-abi sa mga Dinagatnon ngadto kanila ingon man sa Provincial Government pinaagi sa Provincial Tourism and Cultural Office (PTCO), Department of Environment and Natural Resources (DENR), ug lakip na usab ang uban pang buhatan sa Kapitolyo nga aduna'y koordinasyon sa paggiya kanila sa ilang katuyoan sa Dinagat Islands.

Atol sa kalihukan anaa ang presensya nila Libjo Mayor Lamberto Llamera Jr., Vice Mayor Zoltan S. Edera, DILG MLGOO Bryan Edulzura, Municipal Tourism Officer Crisflor Roculas, Sangguniang Bayan Member Mamcel M. Creencia, San Antonio Barangay Captain Melody Compasivo (ABC President), SK Chairman Aster L. Punay, Magsaysay Barangay Captain Mary-Ann Estrada, ug pipila ka mga Barangay Kagawad. (LGU-Libjo/PIA-Dinagat Islands)