(PAGASA 24-HOUR PUBLIC WEATHER FORECAST as of Wednesday, 19 January 2022) Shear Line affecting the eastern section of Visayas. Northeast Monsoon affecting the rest of Luzon and Visayas. Caraga Region will experience partly to cloudy skies with isolated rainshowers and thunderstorms due to localized thunderstorm. Possible flash floods or landslides during severe thunderstorm. Moderate to Strong winds coming from Northeast will prevail with Moderate to Rough seas / (1.2 to 3.4 meters).



Wednesday, August 18, 2021

Mga semilya gipang-apod-apod sa 24 ka organisasyon sa AgNor 

DAKBAYAN SA BUTUAN -- Mosuma sa 4,940 ka mga semilya sa abaca ug cacao ang napadangat sa tulo ka organisasyon sa probinsya sa miaging semana sa nagpadayong pagpang-apod apod niini ubos sa Plant! Plant! Plant! Project sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.

Ang tulo ka organisasyon nga nakadawat mao ang Nasipit Cacao Farmers Venture Association (NACAFAVA) sa Barangay Culit sa lungsod sa Nasipit, Mamanwa Manobo Indigenous Peoples Organization (MAMIPO) ug Pirada Del Pilar Concepcion Farmers Multipurpose Association Incorporated (PDFCAI) sa Sitio Pirada, Brgy. Del Pilar syudad sa Cabadbaran. 

Sa kinatibuk-an mokabat sa 55,000 na ka semilya sa cacao, rubber, mangga, falcata ug abaca ang na apod-apod sa 24 na ka organisasyon nga mikometer pagtanum ubos sa AGUSAN UP! Naay 64 ka organisasyon na ang inisyal nga mikometer nga mahimong partner sa probinsya sa pagpananum ug magpadayon ang pag-apod apod kanila sa mosunod sa mga adlaw.

Gipunting ubos sa proyektong Plant! Plant! Plant! sa AGUSAN UP! nga makatanum sa 125,000 ektaryas nga luna pag-abot sa 2027. Kabahin sa programa ang pagpahiluna nga dakung bahin sa ani sa maong mga tanum unya ang i-proseso sa mga paktoriya ga ipahiluna ubos kaluhang proyekto sa Plant! Plant! Plant! nga mao ang Process! Process! Process!

Kabahin kining tanan sa paninguha sa administrasyon ni Gob. Corvera ug sa buhatan ni Kong. Amante-Matba nga makab-ot ang dugay na’ng gilatid nga panglantaw sa probinsya nga mahimong Agro-Processing Center ug Industrial Estate Zone sa Caraga Region pag abot sa tuig 2027. (Shena Mae Pabia, LGU Agusan del Norte/PIA Agusan del Norte)