Gob. Corvera nag-awhag sa mga partners nga suportahan ang Brigada
Eskwela
DAKBAYAN SA BUTUAN -- Giawhag ni Gob. Dale B. Corvera sa probinsya sa Agusan del Norte ang mga partners sa probinsya sa pagpadagan sa mga eskwelahan nga magtinabangay sunod sa tema sa okasyon nga “Bayanihan para sa Paaralan” sa pagtubag sa mga panginahanglanon aron mahimong hapsay ug epektibo ang pagtuon sa mga kabataan.
Sa virtual message nga gipadangat ni Gob. Corvera atol sa paglunsad sa “Brigada Eskwela” niadtong Agosto 24, giila niya ang mga kalisdanan sa hiniusang paglihuk tungod sa mga limitasyon nga dala sa pandemya apan nakita usab niya nga naay mga pamaagi aron mahimo kini.
“This is indeed a formidable challenge, but armed with our spirit of Bayanihan, we have made it through so far, with each and every one of us doing our part to make sure that we succeed,” sumala pa sa gobernador.
“While there are definite changes on how the Brigada shall be undertaken, this year pursuant to the new normal, its goals remain the same,” padayon ni Gob. Corvera.
Gawas sa mga kabag-ohan nga himoon tungod sa pandemya, talagsaon usab ang porma sa pagtinabangay ning tuiga tungod kay nakasentro kini sa pagtinabangay diha sa pagtuon sa kabataan sa pagbasa, sumala ni Romeo O. Aprovechar, ang Schools Division Superintendent sa Agusan del Norte.
“The implementation of Brigada Eskwela is something unique, because its focus is in reviving the reading program of the schools, the districts and the division,” pasabot ni Aprovechar.
“Brigada pagbasa is an after school reading program that envisions bringing together education partners and experts to help all learners read and become functionally literate” dugang ni Aprovechar.
Ang gi-punting nga tutokan sa 2021 Brigada Eskwela mao ang programang “Brigada Pagbasa” o diha sa pagbasa, literacy ug numeracy sa mga learners’ o mga studyante sa Agusan del Norte.
Nanguna ang DepEd-Agusan del Norte sa pagapatuman sa maong programa uban ang hugot nga pag-abag sa probinsya ug sa buhatan ni Kongw. Angel Amante-Matba.
Isip usa sa mga suporta ipursige sa probinsya nga adtoon gyod sa mga teachers ug assistant teachers ang mga bata sa ilang mga balay, ilabina sa mga hilit nga lugar, ug tudloan sa pagbasa. (Shena Mae Pabia, LGU Agusan del Norte/PIA Agusan del Norte)
