(PAGASA 24-HOUR PUBLIC WEATHER FORECAST as of Thursday, 30 June 2022) At 3:00 AM today, a Low Pressure Area (LPA) was estimated based on all available data at 1,020 km East of Northern Luzon (17.2°N, 131.3°E). Southwest Monsoon affecting Southern Luzon and Western Visayas. ACTIVE TROPICAL CYCLONE OUTSIDE PAR AS OF 3:00 AM TODAY TROPICAL DEPRESSION (FORMERLY "CALOY") LOCATION: 565 KM WEST OF CENTRAL LUZON (15.4N, 114.7E) MAXIMUM SUSTAINED WINDS: 55 KPH GUSTINESS: UP TO 70 KPH MOVEMENT: WEST SOUTHWEST AT 40 KPH. Caraga region will experience partly cloudy to cloudy skies with isolated rainshowers or thunderstorms due to Localized Thunderstorm. Possible flash floods or landslides during severe thunderstorms. Light to Moderate winds coming from Southwest to Southeast will prevail with slight to moderate seas (0.6 to 2.1 meters).



Wednesday, July 7, 2021

Libreng X-ray sa mga posibleng naay TB gipadangat sa AgNor

DAKBAYAN SA BUTUAN -- Nagpadangat niadtong Hulyo 5, og libreng chest X-ray screening ang Probinsya sa Agusan del Norte pinaagi sa buhatan sa Provincial Health Office sa Barangay La-Union ug Barangay Mabini, Syudad sa Cabadbaran, Agusan del Norte.

Inisyal nga na-cater sa maong serbisyo ang 80 ka residente sa Brgy. La-Union ug 20 sa Brgy. Mabini. Gawas sa libreng x-ray nakadawat usab ang mga nagpa-xray ug hygiene kits.

Mahinumduman nga nagsugod ang maong libreng Chest X-ray sa PHO sa pagpanguna ni Dr. Odelio Ferrer niadtong Hulyo 2 sa Barangay Calibunan diin 111 ka pasyente ang na-cater.

Matod ni Arman-Emm C. Escatron, personahe sa PHO ug National Tuberculosis Program (NTP) Coordinator sa probinsya, nga ang tagsa-tagsa ka Rural Health Unit [RHU] sa probinsya ang nag identify sa mga prayoridad nga indibidwal. Priority sa maong serbisyo ang mga indibidwal nga prone sa TB sama sa senior citizens, diabetic, close contact sa TB patient, manigarilyo, alcoholic ug gi-ubo nga kapin duha sa ka-semana.

Gawas sa mga pasyente sa Cabadbaran, kapin sa 1,200 ka indibidwal ang nahatagan og kahigayonan sa libreng chest x-ray screening sa nagka lain-laing munisipyo gikan sa Magallanes, Nasipit, RTR, Las Nieves, Tubay, Santiago, Jabonga ug Kitcharao.  

Tumong sa maong kalihokan nga mosaka ang detection sa adunay TB aron daghan ang ma-tambalan niining sakita.

“Ang target sa DOH sa Agusan del Norte dapat naay ma treat na 2,300 plus ka new tb cases in every year kay according to studies, daghan kaayo gi-TB sa Pilipinas,” dugang ni Escatron.

Kaabag sa probinsya sa Agusan del Norte ang Department of Health sa Caraga ug tagsa-tagsa ka munisipyo ug sa syudad sa Cabadbaran sa maong kalihukan.

Nakatakda usab ugmang adlawa, Hulyo 6 ang libreng chest X-ray sa lungsod sa Buenavista. (Shena Mae Pabia with a report from Arman-Emm C. Escatron, LGU Agusan del Norte/PIA Agusan del Norte)