(PAGASA 24-HOUR PUBLIC WEATHER FORECAST as of Friday, 19 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).

Friday, July 1, 2021

AGUSerbisyo gipasangat sa hilit nga sitio sa Agusan Norte


Ilawom sa kainit sa panahon, kapin duha ka kilometro nga guba nga dalan paingon sa hilit nga lugar sa lungsod sa Santiago ang gibaklay nila ni Agusan del Norte Gobernador Dale B. Corvera ug Kongw. Angel Amante-Matba, kagaina, Hunyo 30, aron personal nga maipadangat ang hangyo nga hinabang sa mga lumolupyo sa Sitio Cadahon-dahonan, Poblacion 2.


Samtang nag lakaw ang mga dagkung lideres sa probinsya paingon sa maong Sitio, nakita nila mismo ang kalisud sa kahimtang sa mga lumolupyo niini ilabina ang lisud nga kadalanan paingon sa ilang panimalay.


Mismo ang mga residente ang nagpaabot ug mihangyo ngadto kay Gob. Corvera ug Kongw. Amante-Matba pinaagi sa opisyales sa ilang barangay aron matubag ang ilang hangyo nga kunsumo, panginabuhian ug pagpaayo sa ilang mga balay. Ug dali-dali dayon kini gi-aksyonan sa mga liders.


Atol sa maong kalihukan gipadangat sa probinsyal nga panggamhanan ug sa buhatan sa kongreso ang food packs alang sa 150 ka pamilya, 16 kanila mga Indigenous Peoples (IP). Magsilbi kini nilang konsumo samtang wala pa sila mobalik sa ilang mga uma sa kabukiran.

Magpadangat usab ang probinsya og mga materyales sama sa sin, toilet bowl, ug uban pa. 


Magpataud usab ang gobernador og kuryente sa mga 18 ka balay nga wala pay koneksyon niini.

Gawas niini, magpadangat usab ang Technical Education Skills Development Authority (TESDA-Agusan del Norte) sa pagpangulo ni Provincial Director Rey Cueva og mga pangbansay sama sa mason grip, carpentry, electrical, bread making, small engine repair, manicure pedicure ug gupit. Pinaagi sa ilang mga trainings, mahulma ang ilang abilidad aron makatrabaho.


Ang maong mga kalihukan kabahin sa AguSerbisyo ubos sa Agus 3Ps ug Amomang Agusanon ubos sa AGUSAN UP! ang kampanya pangkalambuan ilawom sa administrasyon ni Gob. Corvera kaabag ang buhatan ni Kongw. Amante-Matba.


Matud pa sa opisyales sa maong Sitio, abunda og saging ug abaca ang ilang lugar diin pag-uma ug pamulawan lamang ang tinubdan sa ilang panginabuhian. Apan nahunong kini ug wala na sila kasubida tungod sa kagubot nga dala sa mga kalihukan sa walhong grupo sa kabukiran.

Sa mensahe ni Gob. Corvera, iyang gipasabot ug gihangyo niya ang padayong suporta sa goberno aron makab-ot ang kauswagan ug kalinaw nga ilang gitinguha sa ilang lugar.


“Ang yawe sa pag asenso labi na diri sa Cadahon-dahonan, mag sugod sa atong kaugalingon. Mo ingon tag kalinaw, ang kalinaw magsugod gikan sa atong kaugalingon. Ang kalinaw, dili lang ni usa ka butang nga ato lang damgohon, kini usa kabutang nga atong lihukon ug isangyaw sa atong mga kaigsuonan,” matud ni Gob. Corvera.


Gitan-aw usab ni Kongw. Amante-Matba ang kalisod sa kalsada paingon sa Sitio. Alang kaniya, ipaabot niya kang President Rodrigo Duterte ang kalisud nga iyang nakita ug maningkamot ang iyang buhatan nga magahinan og budget sa nasyonal ang pagpakalsada gikan sa sitio hangtud paubos. Lakip usab niini ang pagpa semento sa kalsada paingon sa Bolo nga maoy gihimutangan sa ilang mga uma.


Gitan-aw nila Gob. Corvera ug Kongw. Amante-Matba ang kaugmaon sa mga lumolupyo sa Sitio Cadahon-dahonan. Ug tungod sa ilang mahigugmaong pag-amoma kanila, gipasalig nila nga samtang wala pa nahuman og operate ang kasundalohan batok insurhensiya, padayon manghatag og mga pangkunsomo ang gobernador ug kongresista alang kanila.


Nasayran nga usa ang sitio Cadahon-dahonan sa pilot area sa DepEd sa face-to-face nga klase karon.


Mahinumduman nga unang nagpadangat ang personahe sa Agusan Up Coordinating Center ubos sa Amomang Agusan og mga foodpacks ug seedlings ubos sa Lunhaw’ng Agusan sa maong lugar sa miaging tuig. (Karen Decamotan, LGU Agusan del Norte/PIA Agusan del Norte)