960 drivers sa Butuan nakadawat og livelihood assistance grant
By Butuan City PIO
DAKBAYAN SA
BUTUAN, Hunyo 7 -- Nakadawat og Livelihood Assistance Grant ang transport
sektor ning dakbayan nga gilangkuban sa mga drivers sa multicab, van ug mini
bus nga labing naapektuhan sa pagsugod sa pandemya.
Ang uban sa mga drivers wala na nakadrive balik tungod kulang na ang kitaon labi pa nga katunga na lang sa kapasidad sa mga pasahero ang pasakyon. Adlawng Biyernes, nang apud apod ang buhatan ni 1st District Representative Lawrence “Law” Fortun sa pakigtambayayong sa DSWD, ug LGU Butuan pinaagi sa CSWD og pinansyal nga tabang alang sa mga drivers.
Usa sa
nakadawat ang driver kaniadto sa van nga si Wilbert Quimno taga Barangay
Ampayon. Alang niya, lisud ang iyang kahimtang adtong wala na siya nakadrive
labi pa nga tulo kabuok iyang anak. Naningkamot nalang sila sa iyang asawa nga
makatukod og gamay nga tindahan gamit ang gamay’ng puhunan aron makasugakod sa
kalisod. May gani kay nakadrive ra siya og motorized tricycle via Barangay
Pianing to Barangay Taguibo.
Dako na kaayong tabang ang P5,000 nga iyang nadawat tungod kay makadugang na kini sa iyang nasugdang sari sari store aron dili na makapangutang pa.
"Ako ni
siyang idugang puhunan sa akong sari-sari store nga gamay, dako kaayo akong
pasalamat kang Congressman Lawrence Fortun dako ni kaayong tabang sa among mga
pobre dako na kaayo ni nga kantidad sa amoa,” dugang ni Quimno.
Sumala ni
Congresssman Fortun ang livelihood assistance grant usa ka programa sa DSWD ug
gipaningkamutang sa iyang buhatagn nga makaaccess og pondo gikan sa nasudnong
panggamhanan.
“Nahatagan og attention ang atong yangungo nga hatagan og livelihood assistance ang atong transport sector sa Butuan City. Ug ang identified benipisyaryo niini kadtong hardly hit by the pandemic. Ang inisyal nato giidentify mao ang transport sector kay isa man sila sa labing naapektuhan kay sa pandemic munaog ang economic ang naandang aktibidades nakunhod example walay klase kay nag online class daghan sa mga trabahante nag work from home, restaurant ug establishments nga dili full ang operations so dako kaayo ang nabawas sa population nga nigawas sa ilang balay para sa usual activities ug kong wala na ang hardly hit niana ang transport sector kay walay pasahero. So giidentify nato ang transport sector nga isa sa pinaka vulnerable ug hardly hit by the pandemic,” matud pa ni Fortun.
Dugang pa ni
Fortun nga paningkamotan sab sa buhatan nga mahatagan sa susamang programa ang
PWDs, Solo Parent ug mga Stranded Individuals didto sa Luzon ug
Visayas.
Giklaro ni DSWD OIC Regional Director Ramel F. Jamen nga dili pareho ang kantidad sa mga nadawatan sa mga drivers tungod subay kini sa gipahigayong assessment sa transport sector sa tabang sa barangay, CSWD ug buhatan sa DSWD ug muagi sab sa validation ang mga benipisyares.
“Una ang livelihood sa ila nagsumikad, ilang proposal nagpasabot nga ila nang naandan for so long nga time sa ilang pamilya pero karon nga panahon ni lower ang ilang kita. Pananglitan dunay nagnegosyo og produksyon sa gulayan ug meat vending namaligya og karne natural gulayan ug namaligya og karne duna gyoy kalainan sa amount nga gikinahanglan para sa puhunan diha ang gibasihan mao nagkalain-lain ang ilang amount nga nadawat,” dugang ni Jamen.
Ang Livelihood Assistance Grant kun LAG usa ka programa isip recovery program nga tabang sa paghinay sa panginabuhian ug sa uban nga nawad-an og panginabuhian nga anaa sa transport sector. (Butuan City PIO/PIA Agusan del Norte)
