(PAGASA 24-HOUR PUBLIC WEATHER FORECAST as of Saturday, 03 June 2023) Southwest Monsoon affecting the country. ACTIVE TROPICAL CYCLONE AS OF 3:00 AM TODAY SEVERE TROPICAL STORM MAWAR {2302} (FORMERLY "BETTY") LOCATION: 945 KM NORTHEAST OF EXTREME NORTHERN LUZON (26.9°N, 128.3°E) MAXIMUM SUSTAINED WINDS: 95 KM/H GUSTINESS: UP TO 145 KM/H MOVEMENT: NORTHEASTWARD AT 25 KM/H FOR. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due Southwest Monsoon. Possible flash floods or landslides during severe thunderstorms. Moderate to Strong winds coming from South to Southwest will prevail with Moderate to Rough seas (1.2 to 2.8 meters).


Friday, June 11, 2021

DepEd Bislig gipangandaman na ang pagpailawom sa MECQ sa tulo ka mga barangay sa maong siyudad

Dr. Gregoria Su

BISLIG CITY, Suirgao del Sur, Hunyo 11 -- Gipangandaman na sa Department of Education (DepEd) – Bislig City Schools Division ang pagpailawom sa Modified Enhanced Community Quarantine ( MECQ ) sa tulo ka mga barangay sakop sa siyudad sa Bislig sugod karong Hunyo 14 hangtud 21, kasamtangang tuig.

 

Sa pakighinabi sa Radyo Pilipinas – Tandag, gibutyag ni Dr. Gregoria Su, ang Schools Division Superintendent sa nasangpit nga division, nga sukad kaniadto nagpatuman na sila og skeleton workforce sa mga personahe nga mutrabaho sa ilang opisina.

 

Sumala niini nga ilang gipatuman ang maong work arrangement aron nga dili madamay ang tanan kung ugaling adunay usa nga magpositibo sa COVID -19. Gawas niini, ila usab giseguro nga mapa–implementar ang 50% lang nga capacity sulod sa ilang opisina.

 

Samtang nakaandam na usab ang ilang service vehicle nga maoy gamiton sa paghatod sa mga DepEd employees tungod kay dako ang posibilidad nga suspendido una ang public transportation sa mga lugar nga mapailawom sa MECQ.

 

Subay niini, gipahibalo usab ni Dr. Su nga sa karon, aduna’y walo ka mga aktibong kaso sa COVID–19 ang anaa sa ilang schools division.

 

Hinuon giklaro niiini, nga kini nga mga kaso wala sa ilang opisina. Nadestino ang mga nahilambigit o nagpositibo sa mga eskwelahan sakop sa maong Division, dugang pamahayag sa maong opisyal. (Raymond Samson Aplaya - RP1 Tandag/PIA-SUrigao del Sur)