(PAGASA 24-HOUR PUBLIC WEATHER FORECAST as of Monday, 19 April 2021) At 3:00 AM today, the center of the eye of Typhoon "BISING" {SURIGAE} was located based on all available data at 250 km East of Virac, Catanduanes (14.0°N, 126.5°E) with maximum sustained winds of 195 km/h near the center and gustiness of up to 240 km/h. It is moving North Northwestward at 10 km/h. Caraga Region will experience cloudy skies with scattered rainshowers and thunderstorm due to TY Bising. Possible flash floods or landslides during moderate to heavy rains. Light to moderate winds from Northwest to Southwest will prevail over the region with slight to moderate seas/ (0.6 to 2.5 meters).

Tuesday, March 30, 2021

Tax Amnesty sa delinquent real property tax aprobado na sa SP AgNor

By Ramil Pasco

DAKBAYAN SA BUTUAN, Marso 30 -- Mohatag ang lokal nga panggamhanan sa Agusan del Norte og amnestiya sa buhis o tax relief sa accrued interest sa mga penalties sa tanan delinquent real property taxes (RPT) sa probinsya sa Agusan del Norte isip tubag sa kalisod dala sa pandemya nga coronavirus disease 2019 (COVID-19). 

Gi aprobahan na bag-ohay pa lamang sa Sangguniang Panlalawigan ang Proposed Provincial Ordinance No.407-2021 nga naghatag og lugway sa nanga-ipon nga buhis o mga silot sa tanan nga mga wala nag sunod sa balayranan sa buhis sa yuta sa probinsya taman Disyembre 31,2020 ug apil usab ang mga balayranan sa mga miaging tuig.

Gihangyo kini ni Gobernador Dale B. Corvera isip suporta sa mga tag-iya sa real properties nga naningkamot pa og balik gikan sa pinansyal nga kalisod tungod sa pandemya.

Matod pa ni Gob. Corvera nga ang paghatag og logway sa buhis makatabang sa ilang lakang sa rehabilitasyon ug sa parehas nga paagi nga pagdani sa mga magbubuhis nga magbayad.

Ang mga properties nga ma apil sa amnestiya mao ang mosunod:

• kadtong wala gideklara ug napailalom sa mga back taxes

• Gideklarar apan ang mga buhis sa yuta ug balay dili pa hingpit nga nabayran

• kadtong apil sa mga pampubliko nga subasta nga gihimo sa mga lokal nga gobyerno, ning lalawigan, apan wala mapalit sa mga pribadong tawo o entidad. apan ang titulo o pagdeklara sa buhis alang niini wala na ibalhin sa hingtungdan ngadto sa local government unit

• katong naapil sa mga pending nga kaso sa korte alang sa mga RPT delinquencies.

Ubos sa Section 276 of R.A. 7160, the Local Government Code of 1991, inkaso kung adunay kalamidad sa bisan unsang probinsya, syudad, o munisipyo, ang hingtungdan nga Sanggunian, pinaagi sa ordinansa nga gipasa sa wala pa ang unang adlaw sa enero sa bisan unsang tuig ug sa ang Local Disaster Coordinating Council, mahimong maminusan o moubos ang mga buhis ug interes alang sa mga nagasunod nga tuig sa probinsya nga naapektuhan sa kalamidad.

Ang maong lakang giaprobahan pinaagi sa pagpaningkamot ni Francisco Y. Chan Jr., tsirman sa Committee on Cooperatives and Community Organization. (LGU Agusan del Norte/PIA-Agusan del Norte)

3 ka irrigation system giplastar sa AgNor

By Ramil L. Pasco

DAKBAYAN SA BUTUAN, Marso 30 -- Giprobahan sa Sangguniang Panlalawigan sa Agusan del Norte atol sa sesyon regular kaniadtong Marso 8, 2021 ang Sanggunian Resolution No. 123-2021, nga naghatag pagtugot kang Gobernador Dale B. Corvera nga pirmahan ang kasabutan sa kontrata alang sa implementasyon  sa Rice production-rehabilitation of Communal Irrigation System (CIS) sa tulo ka municipyo sa Agusan Del Norte nga mokabat sa P13,607,269.60.

Ang rehabilitasyon sa CIS sa tulo ka munisipyo mao ang mosunod:

1. Rehabilitasyon sa Baleguian CIS, Maraiging section, Jabonga, Agusan del Norte;

2. Rehabilitasyon sa Aclan CIS, Nasipit, Agusan del Norte; ug

3. Rehabilitasyon sa Rizal-Malpoc CIS, Buenavista, Agusan del Norte.

Ang pag pirma sa kasabutan tali sa probinsya ug sa Olin Development Engineering & Construction nahisubay ubos sa Section 465 (b) (1) (vi) sa Local Government Code of 1991.

Naaprobahan ang maong resolusyon ubos sa pagpangamahan nila ni Board Member James T. Reserva, tsirman sa Committee on Laws, Ethics and Good Government ug ni Board Member Dick Victor B. Carmona, tsirman sa Committee on Public Works. (LGU Agusan del Norte/PIA Agusan del Norte)

Bag-ong buhatan sa PASSO sa AgNor tukoron

By SV Deligero

DAKBAYAN SA BUTUAN, Marso 30 -- Pagasugdan na ang konstruksyon sa Provincial Assesor’s Office (PASSO) building human giaprobahan sa Sangguniang Panlalawigan ang Sanggunian Resolution No.124-2021 nga naghatag otoridad kay Gobernador Dale B. Corvera sa pagpirma sa Contract Agreement tali sa probinsya ug sa Olin Development Engineering and Construction nga maoy mangamot sa implementasyon niini.

Ubos sa maong kasabutan tali sa nasangpit nga construction firm ang proyekto mokabat sa kantidad nga P11,829,599.66 alang sa kompletong pagtukod niini. 

Gilaumang mapadali ang pagtukod sa bag-ong buhatan sa PASSO aron mahatag na sa buhatan ang mas kalidad nga serbisyo ngadto sa katawhan.

Sa karon temporaryong naka-basi ang ilang opisina nga makita tapad sa Provincial Economic and Enterprise Development and Management Office kun PEEDMO. 

Ang paghatag otoridad giaprobahan sa SP sa rekomindasyon sa Committee on Laws, Ethics and Good Government, diin tsirman si Board Member James T. Reserva. (LGU Agusan del Norte/PIA-Agusan del Norte)