(PAGASA 24-HOUR PUBLIC WEATHER FORECAST as of Wednesday, 24 April 2024) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Southeast will prevail with slight to moderate seas (0.6 to 2.1 meters).


Sunday, March 7, 2021

Pagbabakuna kontra COVID-19 umaarangkada na sa Caraga region

By Venus L. Garcia

LUNGSOD NG SURIGAO, Surigao del Norte, Marso 7 (PIA) -- Walang pag-atubiling sinimulan ang opisyal na pag-arangkada ng coronavirus disease 2019 (COVID-19) vaccination rollout ngayong araw sa Caraga region.

Mahigit 900 mga frontline healthcare worker ng Caraga Regional Hospital (CRH) sa Surigao City ang napabilang sa nagsignify para sa unang batch ng COVID-19 vaccination sa rehiyon.

Unang naturukan ng awtorisadong bakuna na CoronoVac mula sa Chinese company na Sinovac si Dr. Angel Eugenio Batac, hepe ng Department of Medicine at COVID-19 vaccination team leader ng CRH kung saan idinaos ang seremonyal na pag-umpisa ng vaccination program dito sa Caraga region.

“Kapaki-pakinabang itong pagbabakuna lalung-lalo na sa aming mga medical paractitioners at iba pang nasa frontline service. Wala tayong dapat ipangamba, bagkus atin itong ikatuwa dahil dumating na ang bakuna dito sa ating rehiyon. Isa ito sa mga hakbang na nagbibigay ng pag-asa para tuluyan ng mapuksa ang pandemya,” ani Dr. Batac.

May kabuoang 650 vials ng COVID-19 vaccines ang inisyal na naideliver sa CRH.

Positibo naman ang pagtanggap ni Grace Platil, chief nurse ng naturang ospital, sa itinurok sa kanya na bakuna. Ayon pa sa kanya, hindi siya nasaktan sa pagturok ng bakuna.

“Eto, katatapos ko lang natanggap ang aking first dose of COVID-19 vaccine. Wala naman akong naramdamang hapdi o kakaiba. Talagang kailangan natin ito upang maprotektahan ang ating mga sarili sa pagkahawa sa nakakamatay na COVID-19,” sabi ni Platil.

Paalala naman ni Department of Health - Center for Health Development (DOH-CHD) Caraga regional director Dr. Jose Llacuna, Jr. kahit may available nang bakuna ay patuloy pa ring sundin ang safety at health protocols hanggang tuluyan ng matapos ang pandemya.

“COVID-19 vaccines help our bodies develop immunity to the virus that causes COVID-19. It’s our defense aside from the regular wearing face mask and face shield, washing of hands, and social distancing,” sabi ni Llacuna.

Bagama’t hindi sapilitan ang pagbabakuna, tumaas naman ang kumpyansa ng mga Caraganon sa pagsisimula at patuloy na pagratsada ng pagbabakuna.

“Payag po ako na maturukan ng bakuna laban COVID-19 dahil hindi lamang ang aking sarili ang mapoprotektahan nito kundi pati na rin ang aking pamilya,” pahayag ni Arnel Arceso, residente ng Surigao City na may anak at nagtatrabaho rin sa isang pribadong ospital.

Bukas ay nakatakda naman ang pagbabakuna ng mga recipients sa Adela Serra Ty Memorial Medical Center sa Surigao del Sur kung saan may nakalaan at naideliver nang 500 vials ng COVID-19 vaccines.

Labing-isang referral hospitals ang inaasahang mabibigyan sa 9,000 vials ng vaccines na dumating sa Caraga region nito lamang Biyernes, Marso 5. (VLG/PIA-Surigao del Norte)

Posted by at