(PAGASA 24-HOUR PUBLIC WEATHER FORECAST as of Friday, 23 April 2021) At 3:00 AM today, the center of the eye of Typhoon "BISING" {SURIGAE} was located based on all available data at 575 km East Northeast of Basco, Batanes (21.4°N, 127.4°E) with maximum sustained winds of 140 km/h near the center and gustiness of up to 170 km/h. It is moving East Northeastward at 20 km/h. Caraga Region will experience Partly cloudy to cloudy skies with isolated rainshowers due to Localized Thunderstorms. Possible flash floods or landslides during severe thunderstorms. Light to moderate wind from Northwest to Southwest will prevail with slight to moderate seas/0.6 to 2.1 meters).

Friday, December 18, 2020

IPs sa Tubay malaumong mapasiuli ang kalunhaw sa kabukiran sa lugar

By Angel Lyn F. Gaviola

DAKBAYAN SA BUTUAN, Disyembre 18 -- Gumikan sa kahadlok nga maupaw ug maapektuhan sa operasyon sa mina ang ancestral land sa mga Indigenous Peoples (IPs) sa Brgy Binuangan, lungsod sa Tubay, buot mananum og kahoy ang mga lumad sa tabang sa Lunhaw’ng Agusan Program ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera inabagan sa buhatan ni Congwoman Angel Amante-Matba.

Sa gihimong area validation sa CADT-237 sa Agusan UP Coordinating Center, niadtong Disyembre 14, mikometer si Datu Dario Plasquita, ang nangulo sa maong area, nga motanum ubos sa Plant! Plant! Plant! Project sa Agusan UP! sa inisyal nga 40 ektaryas sa ilang ancestral land og saging, abaca ug agro-forestry.

Sumala ni Datu Plasquita nga nabalaka siya sa posibleng dangatan sa kabukiran sa maong barangay kon mobalos na sa pagpanukot ang kinaiyahan rason nga malaumon kining matabangan sa Agusan UP aron mapasiuli ang kalunhaw sa bukid, og mihangyo kini og mga binhi sa mangium ug mahogany nga itanum.

Adunay kinatibuk-ang 3,000 ektaryas sa ancestral land ang nahisakop sa lugar og kapin 600 ektaryas niini ang production area samtang ang nahibilin mao ang minahan ug protection areas.

Dugang pa ni Datu Plasquita nga nabahin ang pangita sa ilang komunidad sa pangisda ug panguma sanglit ang Brgy Binuangan anaa man kini nahimutang sa baybayon, diin oras nga mokusog ang haros sa balod ug dili sila makapangisda, didto kini sila mag-uma sa bukid isip alternatibong pangita sa mga lumad. (Agusan Up, LGU Agusan del Norte/PIA Agusan del Norte)

Mga luna sa yuta alang sa FRs ug IPs gisubdivide na

By Shena Mae Pabia

DAKBAYAN SA BUTUAN, Disyembre 18 -- Gisugdan na pag-subdivide ang mga luna sa yuta nga gitagana sa probinsya sa Agusan del Norte sa pangpangusog ni Gobernador Dale B. Corvera ug ni Representante Ma. Angelica Rosedell M. Amante-Matba alang sa mga Former Rebels (FR) ug Indigenous Peoples (IP) aron mapahiluna na ang pagpabarug sa ilang tagsa-tagsa ka balay.

Kini ang nahibaw-an gikan sa Provincial Assessors Office (PASSO) ug sa Provincial Social Welfare and Development Office [PSWD] nga maoy nagtan-aw sa proseso.

Ang mga luna nga giandam mao ang mosunod: Mosuma sa tulo ka ektarya sa lungsod sa Jabonga – sa Barangay Bangonay nga gipanag-iya sa probinsya ug sa Barangay Tagbuaya nga gi-donate ni Rep. Amante-Matba; Tulo ka ektarya nga napalit sa probinsya sa lungsod sa Carmen; 1.3 ektarya sa Del Pilar, Cabadbaran City nga gi-donate ni Rep. Amante-Matba ug laing 1.4 ektarya nga gi-donate sa San Roque Metals, Inc. (SRMI) ngadto sa probinsya.

Nahibaw-an nga naay 146 ka-pamilya nga mga FRs og IPs ang kwalipikado karon ubos sa Housing Assistance sa National Housing Authority ilawom sa Task Force Balik Loob [TFLB] ug inisyal nga makapahimulos ning maong proyekto ubos sa Enhance Comprehensive Local Integration Program [ECLIP] Committee.

Sa pagkakaron gi-survey na ang maong mga luna, gi lay-out og gi-subdivide ngadto sa tag 80 sq. meter per household, sumala pa ni Junie Vinatero, ang provincial assessor.

Gawas sa tabang nga makapanag-iya og balay ang mga FRs ug IPs, hatagan usab sila og oportunidad nga makaapil sa nagka lain-laing pagbansay pinaagi sa Technical Education and Skills Development Authority (TESDA) aron mapalapdan ang ilang kahibalo ug mahimo silang hanas ilabina sa mga bag-ong teknolohiya karon nga magamit sa ilang pagpanarbaho o kaha pagpahiluna og kapanginabuhian. (Agusan UP, LGU Agusan del Norte/PIA Agusan del Norte)