P3.1 M nga mga infra ug social dev’t projects gihatagag pagtagad
DAKBAYAN SA BUTUAN, Agosto 26 -- Mokabat sa P 3,150,000.00 ang mga
nag-unang prayoridad nga mga proyekto, programa ug aktibidad sa probinsya sa
Agusan del Norte ang nakatakdang i-implementar basi sa giendorso sa Provincial
Development Council ngadto sa Sangguniang Panlalawigan ubos sa PDC Resolution
No. 18 series of 2020.
Ang maong mga proyekto basi sa 8-point agenda sa probinsya nga
nagpahiuyon sa panan-aw, misyon, mga katuyoan niini ug sa AGUSAN UP development
frameworks.
Giaprobahan sa Sangguniang Panlalawigan bag-ohay pa lamang ang maong
rekomendasyon sa PDC tungod sa kamahinungdanon sa mga proyekto nga kinahanglan
na nga ma-implementar isip tubag sa panginahanglanon sa katawhan.
Gitugotan sa SP ang realignment sa mosunod:
Kasamtangang Proyekto
1. Labor, Materials and Permits for Electrical Upgrading, KDH,
Kitcharao, Agusan del Norte (20% Development Fund)- P 2,000,000.00
2. Upgrading of Electrical Works, Labor, Materials and Permits KDH,
Kitcharao, Agusan del Norte (Non-Office)- P 300,000.00
3. Installation of Fire Sprinkler, NDH, Nasipit Agusan del Norte- P
850,000.00
Bag-ong Proyekto
1. Upgrading of Kitcharao District Hospital Electrical System,
Kitcharao, Agusan del Norte- P2, 624,819.27
2. Additional Fund for the Purchase of Jetmatic Pumps and Accessories –
P 525,180.73
Ang nasangpit nga realignment nahisubay sa naaprobahan nga Annual
Investment Plan sa probinsya.
Sa pagpangamahan ni Bise Gobernador Ramon AG. Bungabong ang maong
kantidad giaprobahan pinaagi sa Provincial Resolution No. 349-2020. (LGU Agusan
del Norte/PIA Agusan del Norte)
LGU Nasipit mohatag
Loyalty Award sa mga empleyado
By Jessica O. Mellejor
DAKBAYAN SA BUTUAN, Agosto 26 -- Gi-aprubahan sa Sangguniang
Panlalawigan sa Agusan del Norte bag-ohay pa lamang ang Municipal Ordinance
No. 007 sa Sangguniang Bayan sa Nasipit, ning lalawigan, “Institutionalizing
the Grant of Loyalty Award to Municipal Officials and Employees of the Local
Government Unit of Nasipit, Agusan del Norte and Providing Funds Thereof,” atol
sa ilang ika 53rd nga sesyon regular.
Ubos sa maong ordinansa, nga gipangamahanan ni Sangguniang Bayan Member
Vicente M. Cocon, makadawat og cash incentive ang mga empleyado nga nakahatag
og napulo (10) ka tuig nga “continuous and satisfactory service” sa LGU sa
Nasipit. Alang sa initial nga pagbayad sa Loyalty Award, ang mga opisyal /
empleyado sa munisipyo nga kwalipikado gikan sa Mayo 31, 2020 makadawat sa
insentibo sa mosunod:
Ten (10) years - 10,000.00;
Fifteen (15) years - 15,000.00;
Twenty (20) years - 20,000.00;
Twenty Five (25) years - 25,000.00; ug
Thirty (30) years and above - 30,000.00.
Sa laing bahin ang mga empleyado nga nagserbisyo gikan sa ubang ahensya
nga nibalhin sa munisipalidad nga adunay padayon nga serbisyo nga napulo ka
tuig makadawat usab og loyalty award.
Ang mga opisyal sa munisipalidad ug mga regular nga empleyado nga
nasuspinde mahimong mahatagan gihapon sa giingon nga benepisyo ug ang pagkwenta
kinahanglan ibase sa CSC Resolution No. 021564, nga pinetsahan Disyembre 17,
2002.
Ang paghatag cash incentives alang sa loyalty award ihatag sa panahon sa
flag raising ceremony or Monday convocation. Ang plaque o sertipiko ihatag
panahon sa pagsaulog sa Tourism Month Celebration.
Ang maong lakang gipalabang ug gi-aprobahan sa Sangguniang
Panlalawigan pinaagi sa Sanggunian Resolution No. 341-2020 sa pagpangamahan ni
Provincial Board Member Virgilio R. EscasiΓ±as, Jr., tsirman sa Committee on
Human Resource Development, Labor and Employment.
Kini nahiuyon sa Provincial Ordinance No. 013-94, "An Ordinance Instituting a System of Incentives and Awards for Appointive Officials and Employees of the Province of Agusan del Norte, Defining the Implementation of RA 6713, as amended.” (LGU Agusan del Norte/PIA Agusan del Norte)
