(PAGASA 24-HOUR PUBLIC WEATHER FORECAST as of Tuesday, 19 March 2024) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms. Light to moderate winds coming from Northeast to North will prevail with slight to moderate seas (0.6 to 2.1 meters).


Thursday, January 16, 2020

Frontline services sa mga ospital gipalig-on

By Jessica O. Mellejor


DAKBAYAN SA BUTUAN, Enero 16 -- Gihatagan og otoridad sa Sangguniang Panlalawigan si Gobernador Dale B. Corvera aron sa pag-pirma sa usa ka Memorandum of Agreement (MOA) sa ngalan sa lokal nga panggamhanan sa Agusan del Norte ug medical practitioners para pagsuporta sa frontline services sa mga hospital nga gidumala sa probinsya.

Ang kagamhanang probinsiyal sa Agusan del Norte sa paningkamot nga mapaayo ang paghatag sa mga serbisyo sa panglawas gi-prioritize nga ang tanan nga mga ospital nga gidumala sa probinsya adunay mga doctor nga mo-duty 24/7 aron dali sa paghatag serbisyo medical kaabag sa DOH licensing ug PHIC accreditation.

Ubos sa maong Memorandum of Agreement (MOA) nga pirmahan ni Provincial Governor Dale B. Corvera ug sa Medical Practitioners, maghatag ang medical practitioners og 24 hour services sa Agusan del Norte Provincial Hospital, Nasipit District Hospital (NDH); Cabadbaran District Hospital (CDH); Jabonga District Hospital (JDH); Kitcharao District Hospital (KDH) ug Las Nieves District Hospital (LDH).

Ang MOA naglangkob kini sa mga termino ug kondisyon, ingon man usab ang mga responsibilidad sa matag partido nga suportahan ang mga serbisyo sa mga ospital nga gidumala sa lokal nga panggamhanan sa Agusan del Norte.

Giaprobahan ang maong paghatag otoridad pinaagi sa Sangguniang Resolution No. 0247-2019 atol sa sesyon regular Disyembre 13, 2019. Gipanginahanan kini ni Provincial Board Member Elizabeth Marie R. Calo. (LGU Agusan del Norte/PIA Agusan del Norte)