(PAGASA 24-HOUR PUBLIC WEATHER FORECAST as of Thursday, 09 April, 2020) Mindanao will have partly cloudy to cloudy skies with isolated rainshowers or thunderstorms due to Easterlies. Light to moderate winds from east to northeast with slight to moderate seas. PAGASA Mindanao/jaf

Friday, February 8, 2019


River cleanup sa SurSur, dinagsa ng mga volunteers

By Nida Grace B. Tranquilan

Isinagawa ng DENR at iba pang ahensya ng gobyerno ang isang simultaneous river cleanup sa ilog ng Tabon and Mangagoy  sa lungsod ng Bislig. (Photo: CENRO Bislig City)
LUNGSOD NG TANDAG, Surigao del Sur, Pebrero 8 (PIA) -- Dinagsa ng mga volunteers ang isinagawang simultaneous river cleanup ng Department of Environment and Natural Resources (DENR) dito sa probinsya ng Surigao del Sur.

Napag-alaman mula sa tanggapan ng Provincial Environment and Natural Resources Office (PENRO) na pinamumunuan ni Jose Flavio Concha na tatlong ilog sa probinsya ang nilinis ng mga volunteers.

Ang PENRO-Surigao del Sur at CENRO-Cantilan ang nanguna sa isinasagawang paglilinis sa ilog ng Cantilan na may habang isang kilometro sa hilagang bahagi ng probinsya. Nilahokan ito ng mahigit 700 estudyante mula sa Surigao del Sur State University-Cantilan Campus, pamahalaang lokal ng Cantilan, at iba't-ibang ahensya ng gobyerno at iba pang mga stakeholders.

Sa katimogang bahagi naman ng probinsya, ang aktibidad ay pinangungunahan ng CENRO Bislig sa pamumuno ni Victor Sabornido kung saan nilinis nila ang mahigit dalawang kilometrong haba ng Tabon at Mangagoy Rivers sa lungsod ng Bislig. Dumagsa naman ang mga sumuporta sa nasabing aktibidad na nakilahok mula sa: Bislig City Local Government Unit, Mangagoy at Tabon Barangay Council, Department of Public Works and Highways (DPWH), 75th Infantry Battalion, Bureau of Fire Protection, Bureau of Jail Management Penology (BJMP), Tabon Maximino Estrella National High School (TMENHS), REACT Kamayo Group and iba pang stakeholders.

Ang CENRO-Lianga naman na pinamumunuan ni Cliff Abrahan ang nanguna sa pagpatutupad ng nasabing aktibidad sa bayan ng Lianga na isinasagawa sa Ban-as River na sinusuportahan naman ng lokal na pamahalaan ng Lianga, iba’t-ibang ahensya ng gobyerno, non-government organizations at mga stakeholders sa nasabing lugar.

Samantala, hindi lang sa araw na ito isinasagawa ang paglilinis ng ilog sa probinsya. Noong Enero 29 ng taong kasalukuyan, inilunsad ang parehong aktibidad ng CENRO-Cantilan kung saan nilinis nila ang Manlico River sa bayan ng Cortes. Umani naman ito ng suporta mula sa lokal na pamahalan ng Cortes, Barangay ng Manlico at residente ng nasabing barangay. (PIA-Surigao del Sur)
Posted by at