(PAGASA 24-HOUR PUBLIC WEATHER FORECAST as of Friday, 18 October 2019) At 3AM today, the center of TS "PERLA" was estimated @790km East of Basco, Batanes (19.7,129.5) w/ maximum sustained winds of 65km/h near the center & gustiness of up to 80km/h. It is almost stationary. Northeasterly surface windflow prevailing Luzon. Zamboanga Peninsula will experience cloudy skies w/ scattered rainshowers & thunderstorms due to Intertropical Convergence Zone (ITCZ). The rest of Mindanao will have partly cloudy-cloudy skies w/ isolated rainshowers due to Localized Thunderstorm. Lightt-moderate winds from SE-E w/ slight-moderate seas. PAGASA/imbb

Wednesday, November 28, 2018


6th Children’s Congress idinaos sa Tandag

By Nida Grace P. Barcena

LUNGSOD NG TANDAG, Surigao del Sur, Nobyembre 28 (PIA) – Matagumpay na idinaos ang 6th Children’s Congress ng lokal na pamahalaan ng Tandag sa pangunguna nga City Social Welfare and Development (CSWD) Office at pakikipagtulungan ng local Council for the Protection of Children (LCPC) kamakailan sa Tandag City Gymnasium.

Dinaluhan ito ng mga estudyanteng kabataan mula sa iba’t ibang paaralan ng nasabing syudad na umabot halos sa isang libo ang dumalo, ayon pa kay Tessie Buniel, ang hepe ng CSWD office dito.

Nakinabang naman ang mga dumalong kabataan ng libreng konsulta partikular na ang wastong pamamaraan sa pag-aalaga ng mata at bitamina na pinamahagi ng City Health Office (CHO).

Bukod pa dito, namigay din ng libreng “ice-cream, cold choco at pop corn" sa mga kabataan mula sa iba’t ibang sektor na sumuporta sa nasabing aktibidad.

Ang okasyon ay idinaos kasabay ng pagdiriwang ng 26th National Children’s Month nitong buwan ng Nobyembre na may tema na, “Isulong: Tamang Pag-aaruga Para sa Lahat ng Bata,” kung saan ibinahagi ni Mayor Alexander Pimentel ang kanyang “State of the Children Address” sa pamamagitan ng pagbibigay ng mga mahahalgang bagay na naiambag ng lokal na pamahalaan para sa mga kabataan.

Ibinihagi din ni Mayor Pimentel ang nakamit na tagumpay bilang nag iisang “city awardee” ng Seal of Good Local Governance (SGLG) ng DILG kamakailan sa pangatlong magkakasunod na taon.

Dahil sa nakamit na tagumpay, naging bahagi nito ayun pa sa opisyal ang mga programa at suporta nito para sa sector ng kabataan.

Bukod pa dito, napag-alaman din na isa sa mga lokal na pamahalaan ng Surigao del Sur ang Tandag City na ginawaran ng Seal of Child-Friendly Local Governance mula sa Department of Social Welfare and Development (DSWD) kamakailan sa Butuan City. (PIA-Surigao del Sur)