(PAGASA 24-HOUR PUBLIC WEATHER FORECAST as of Friday, 18 January 2019) Weather Forecast - Northeast Monsoon affecting the country. Mindanao will be partly cloudy-cloudy w/ isolated light rains due to Northeast Monsoon. The eastern sections of Mindanao will have moderate-strong winds coming from the Northeast w/ moderate-rough seas. Elsewhere, light-moderate winds from the Northeast wil prevail w/ slight-moderate seas.PAGASA Mindanao/dbf

Friday, December 14, 2018


Manpower development center para sa mga dating rebelde itatayo sa Butuan

By John Charles Malazarte
Groundbreaking ceremony para sa proyektong pagpapatayo ng Manpower Development Center na pinangunahan ni BGen. Franco Nemesio Gacal, Brigade Commander ng 402nd Brigade, Philippine Army, kasama si Agusan del Norte Gov. Ma. Angelica Rosedell Amante-Matba na ginanap sa 402nd Brigade, Philippine Army, Butuan City. (PIA-Caraga)

LUNGSOD NG BUTUAN, Disyembre 14 (PIA) - Pormal nang sisimulan ang pagpapagawa ng manpower development center – halfway house matapos ang isinagawang groundbreaking ceremony sa 402nd Brigade, Philippine Army dito sa lungsod.

Ang nasabing center ay proyekto ng provincial government ng Agusan del Norte at ng Department of the Interior and Local Government (DILG) sa ilalim ng enhanced comprehensive local integration program o E-CLIP ng pamahalaan na layong matulungang magsimula muli ang mga dating miyembro ng New People’s Army (NPA) na nagbalik loob sa gobyerno.

Ayon kay BGen. Franco Nemesio Gacal, Brigade Commander ng 402nd Brigade, Philippine Army, bibigyan din ng kabuhayan ang mga dating rebelde para may mapagkakitaan sa kanilang pagbabagong buhay.

Dagdag pa ni BGen. Gacal na magpapatayo din ng isa pang halfway house ang planong itayo ng local government unit ng Butuan bilang tugon na rin sa kagustuhan ng gobyerno na maging aktibo ang lokal na pamahalaan sa pagtulong sa re-integration program ng former rebels.

Umaasa ang gobyerno na sa pamamagitan ng programang ito mas dadami pa ang mahihikayat na miyembro ng NPA na magbalik loob at matugunan ang kanilang mga pangangailangan.

Naniniwala naman si Agusan del Norte Grovincial Governor Ma. Angelica Rosedell Amante-Matba na sa pagsisikap at pagtutulungan ng gobyerno ay matatapos din ang matagal ng problema ng pamahalan sa mga rebeldeng grupo. (VLG/PIA-Caraga)

Tagalog News: Caraganons ginunita ang ika-70 anibersaryo ng UDHR

By Jennifer P. Gaitano

LUNGSOD NG BUTUAN, Disyembre 14 (PIA) - Sa pagunita ng ika-70 anibersaryo ng Universal Declaration of Human Rights (UDHR) sa bansa, binigyang diin ng Commission on Human Rights (CHR) Caraga ang kahalagahan ng pagrespeto sa dignidad at karapatan ng bawat Pilipino, at pagbigay atensyon sa mga pangunahing isyung kinakaharap ng bawat komunidad.

Sa pahayag ni Atty. Euvic Ferrer, Attorney IV ng CHR-Caraga, ang UDHR ay nagpapa-alala sa mga Pilipino at sa buong mundo na ang bawat isa ay may karapatan kabilang na dito ang mamuhay ng maayos, walang diskriminasyon at malayo sa anumang kapahamakan.

Matatandaan na ang nasabing deklarasyon ay naproklama ng United Nations General Assembly sa Paris noong December 10, 1948. Ito ay isa sa mahalagang dokumentong naglalahad ng mga karapatang pantao ng bawat indibidwal na may kaugnayan sa bawat aspekto ng buhay ng tao.

Samantala, nagkaisa rin ang ibat-ibang sektor sa isinagawang anniversary walk at candle lighting ceremony sa Butuan City hall grounds bilang simbolo na ang mga Caraganons ay matatag at nagkakaisa sa pagpapalaganap ng mga karapatang pantao.

Sa nasabing okasyon, ipinahayag din ni Nancy Cullano, advocacy and training officer ng People Power Volunteers for Reform (PPVR) – isang civil society organization ang kanilang suporta sa UDHR. (JPG/PIA-Caraga)