(PAGASA 24-HOUR PUBLIC WEATHER FORECAST as of Sunday, 28 May 2023) At 3:00 AM today, the center of the eye of Typhoon "BETTY" {MAWAR} was estimated based on all available data at 825 km East of Northern Luzon (17.1°N, 129.5°E), with maximum sustained winds of 175 km/h near the center and gustiness of up to 215 km/h. It is moving West Northwestward at 20 km/h. Southwesterly Windflow affecting the western sections of Southern Luzon, Visayas, and Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due to Trough of TY BETTY / Southwesterly Windflow. Possible flash floods or landslides during severe thunderstorms. Moderate to Strong winds coming from West to Southwest will prevail with Moderate to Rough seas / (2.5 to 5.0 meters).


Tuesday, November 20, 2018


Mahigit 200 pamilya inilikas sa SurSur bilang paghahanda sa TD Samuel

By Nida Grace P. Barcena

LUNGSOD NG TANDAG, Surigao del Sur, Nob. 20 (PIA) – Umabot sa 234 pamilya ang naitala nang Provincial Disaster Risk Reduction and Management (PDRRM) Council - Emergency Operation Center sa Surigao del Sur ngayong umaga, matapos ipatupad ng lokal na pamahalaan ang preemptive evacuation sa mga nanganganib na lugar.

Kinumpirma ni PDRRM officer Abel de Guzman na ang nasabing lugar ay parehong mapanganib sa baha, landslide, at storm surge.

Napag-alaman din mula kay De Guzman na ang 103 pamilya na lumikas ay nagmula pa sa Isla ng Arangasa, Barangay Aras-asan sa Cagwait na temporaryong nakikisilong sa Barangay Aras-asan Gymnasium.

Sa bayan ng Carrascal, 54 pamilya ang inilikas mula sa Barangay Babuyan, 34 mula sa Barangay Bacolod, 23 pamilya mula sa Barangay Tag-anito, at 18 mula sa Barangay Gamuton. Ang mga nasabing lugar ay mapanganib sa landslide at baha, ayon pa kay De Guzman.

Samantala, ideneklara na rin ng lokal na pamahalaan sa araw na ito na walang pasok sa lahat ng antas sa syudad ng Tandag, munisipyo ng Carrascal, Tagbina, San Miguel, Lanuza at Lianga.

Sa bayan naman ng Cantilan, Cagwait, at Bayabas idineklara naman na walang pasok ang mga estudyante mula preschool hanggang elementarya. Samantala, otomatiko namang pinatutupad ang walang pasok sa preschool sa Bislig City at bayan ng Hinatuan matapos sumailalim ang probinsya sa Tropical Cyclone Warning # 1 kahapon.

Kinompirma ni de Guzman na sa kasalukuyan wala pang natatanggap na report ang Emergency Operation Center ng probinsiya patungkol sa pagbaha o landslide. (PIA-Surigao del Sur)