Cebuano News: Surigao City PESO, DOLE
mipahigayon og livelihood seminar
SURIGAO CITY, Mayo 24 (PIA) – Ang buhatan sa
Public Employment and Services Office (PESO) ug Department of Labor and
Employment (DOLE) mipahigayon bag-ohay palamang og usa ka adlaw nga Livelihood
Projects and Emergency Employment Seminar didto sa City Cultural Center ning
dakbayan.
Sumala pa ni Mrs. Gloria Gemina ang nangulo sa
buhatan sa PESO nga gihimo ang maong seminar aron mahatagan ug trabaho ang mga
Surigaonon pinaagi na sa gihimong mga livelihood projects sa buhatan sa PESO ug
DOLE sama na sa mga electronic services, cosmetology, farming, mechanical og
uban pa.
Nahimong mamumulong sa mong seminar mao sila
Surigao del Norte DOLE-Administrative Officer Keith C. Duran ug si Rhuim Truce
Salvador.
Samtang mokabat sa 40 ka mga indibidwal ang
misalmot sa maong kalihukan nga gilangkuban sa mga nagkadaiyang buhatan sa gobyerno
sa syudad ug ingon man usab mga barangay officials sa nagkalainlaing barangay
sakop sa syudad. (SDR/MICO-Surigao/PIA-Surigao del Norte)
