6.28.2013

PIA News Service - Thursday, June 27, 2013

Cebuano news: Paggamhanan Aquino masaligon sa relasyon sa Taiwan magpabilin lig-on Luyo sa Balentang Channel nga insidente

Ni Nida Grace B. Tranquilan

MANILA, Hunyo 27 (PIA) - Ang panggamhanan sa Aquino mibutyag sa hugtanon nga pagtoo nga ang relasyon uban sa Taiwan magpabilin nga magmalig-on luyo sa insidente sa pagpamusil sa Balintang Channel.

Si Presidential Spokesperson Edwin Lacierda miingon sa usa ka press briefing didto sa Malakanyang nga ang Pilipinas ug Taiwan nagpabilin nga masaligon sa pagpausbaw sa relasyong multi-cultural.

“Maayo pod hinoon ang trato sa mga Taiwanese sa atoa... Ang relasyon nato sa Taiwan wala lang magdepende sa usa ka isyu. Daghan pa kita ug multi-cultural exchange,” ("Maganda naman po ang trato ng mga Taiwanese sa atin.... Ang relation po natin sa Taiwan ay hindi lang dito nakasalalay sa isang isyu. Marami pa tayong multi-cultural exchange,”) sulti ni Lacierda.

Niadtong Mayo, si Presidente Aquino III miingon nga ang Manila Economic and Cultural Office (MECO) nakig-alayon uban ang Taiwanese nga kaabag sa pagresolba sa isyu kabahin sa report sa pagpangharas ug pag-atake batok sa mga Pilipino didto sa Taiwan nga nakapapukaw sa tensyon hinungdan sa pagkamatay sa Taiwanese nga mangingisda niadtong Mayo 9 nga mibiya sa Balintang Channel.

Wala na magpadayon ang pagpangharas nga gihimo sa nahiuna. Kita milaum nga mamahimong normal na ang atong relasyon,” ("Hindi na po nagpatuloy ang karahasang ginawa ‘nung nauna. Tayo po ay umaasa na magiging normal na ang ating relasyon,") sulti pa ni Lacierda.

Ang Presidente, sa laing bahin padayon sa pag estudyo sa report sa National Bureau of Investigation (NBI) kabahin sa insidente sa Balentang Channel. Si Justice Secretary Leila de Lima misumiter ngadto sa Presidente sayo ning bulana kabahin sa NBI report resulta sa imbestigasyon sa kamatayon sa Taiwanese nga mangingisda.

Si De Lima kinsa dunay hurisdiksyon labaw sa NBI, miingon nga ang report mirekomendar sa pagpasaka sa criminal and administration charges batok sa personahe sa Philippine Coast Guard nga nalambigit sa maong insidente.


Ang Philippine Coast Guard nga nagpatrolya sa Balintang Channel mipaulan ug bala isip warning shots batok sa Taiwanese nga sakyanan, miresulta sa kamatayon sa Taiwanese nga mangingisda na si Hung Shih-Cheng niadtong Mayo. Ang personahe sa PCG miingon nga ang sakyanan misulay ug rumbo sa ilahang sakyanan. (PND (js)/NGBT/PIA Surigao del Sur)