5.08.2013

PIA News Service - Wednesday, May 8, 2013



Tagalog news: Comelec hinikayat ang mga opisyales ng mga paaralan na ihanda ang mga silid-aralan para sa halalan sa Mayo 13

Ni Hyazel Rose Ampo

LUNGSOD NG BUTUAN, Mayo 8 (PIA) -- Hinikayat ni City Election Officer Atty. Ernie F. Palanan ang mga opisyales ng mga paaralan sa pakikipagtulungan ng tanggapan ng Department of Education (DepEd) na ihanda ang mga silid-aralan na gagamitin bilang polling precincts sa darating na midterm election ngayong Mayo 13.

Sa kaniyang programa sa radio na pinamagatang, “City Comelec Office Hour” na mapapakinggan sa 107.8 Power FM ng Philippine Information Agency (PIA) Caraga, sinabi ni Palanan na ang kanilang tanggapan ay nakakatanggap pa rin ng mga ulat ukol sa mga eskwelahan sa lungsod na hindi pa naihanda sa isasagawang eleksyon.

Kasabay nito, hinikayat din ni Palanan ang mga school officials na magtalaga ng "Action Center" sa loob ng nasasakupang eskwelahan para sa pagsisiyasat sa proseso ng eleksyon.

Ilan sa mga personalidad na maglalagi sa action center ay ang media, kasapi ng National Movement for Free Elections (NAMFREL) at Parish Pastoral Council (PPCRV).

Dagdag pa ni Palanan, kinakailangang magtalaga ng tao sa nasabing kampo upang magbigay ng mga kinakailangang impormasyon ang mga boboto ukol sa iba't ibang tanggapan. Ito ay upang siguraduhin ang pagkakaroon ng matiwasay na proseso ngayong halalan.

Inabisuhan din ni Atty. Palanan ang mga Board of Election Inspectors (BEI) na pumunta sa kani-kanilang nakatalagang voting precinct, isang araw bago ang halalan para sa mga kinakailangan paghanda at para na rin sa pagbabantay ng PCOS Machine.

Hinikayat din ng opisyal ang publiko na bumisita sa tanggapan ng Comelec upang alamin ang kanilang mga destinong presinto at number sequence nito.

Sinabi rin ng city election officer na dumulog sa action center na itatalaga sa mga eskwelahan kung hindi makabisita sa opisina ng Comelec at di alam ang kanilang mga number sequence.

Kasabay nito, pinaalalahanan din ni Palanan ang mga taong may kapansanan, lactating mothers at senior citizens na dalhin ang kanilang mga dokumentong magpapatunay na sila’y senior citizen o nagpapasuso ng bata upang sila’y mabigyan ng oportunidad na makaboto kaagad-agad.

Pinaalalahanan din ni Palanan ang mga opisyales ng mga barangay, kandidato at mga taga–suporta nito na lumayo agad pagkatapos makaboto ang mga ito sa voting precint upang hindi makadistorbo sa isinasagawang pagboboto.

Binalaan din ni Atty. Palanan ang mga poll watchers na huwag mangampanya o mamigay ng mga pulyeto sa mga sinuportahan nitong mga kandidato sa kasagsagan ng eleksyon. (RER/PIA-Caraga)


Tagalog news: PNP magtatalaga ng 30 libong tauhan para sa darating na Mayo 13 eleksyon

Ni David M. Suyao

AGUSAN DEL SUR, Mayo 8 (PIA) -- Itatalaga ng Philippine National Police (PNP) ang 50 porsyento o 21,885 na pulis, maging ang mga nagtatrabaho bilang administratibo at ang mga nagsasanay pa lamang, upang punan ang kanilang hanay na ilalagay sa mga lansangan bilang bahagi ng kanilang "maximum deployment" ng mga unipormadong tauhan na magseserbisyo para sa nakatakdang halalan sa darating na Mayo 13, 2013.

Kamakailan, inanunsyo ni Interior and Local Government Secretary Mar Roxas ang paglulunsad ng OPLAN “Huling Dalawang Linggo” na nangangailangan ng buong administratibo at operational na gawain ng PNP upang palawakin pa ang pagbibigay seguridad bago, habang at pagkatapos ng araw ng halalan.

Kasama na sa pagpapatupad ng maximum deployment ang pagpalakas ng PNP Reactionary Support Force (PNP-RSSF) na may kabuuang 1,230 unipormadong tauhan mula sa Directorial Staff (D-Staff), 2,689 National Support Units (NSUs) at 6,273 Regional Headquarters (RHQs) tauhan na nagtatrabaho bilang administratibo.

Gayunpaman, 718 unipormadong tauhan ay kasalukuyang nagsasanay sa Philippine Public Safety College (PPSC), 1,046 mula sa Philippine National College (NPC), 9549 mula sa Police National Training Institute (PNTI) at 143 mula sa PNP Intelligence Training (ITG) na sa kasalukuyan ay nag-aaral at ang 237 na bagong nagtapos nitong 2013 sa Philippine National Police Academy (PNPA) ay kasali rin sa idinagdag na pwersa ng pulisya para magbantay sa eleksyon.

Sinabi ni PNP Director General Alan Purisima na ang pagtatalaga ng mga tauhan mula sa Special Action Force (SAF) bilang dalubhasang yunit ng PNP, ay base sa kanilang plano at pakikipag-ugnayan sa PNP Directorate for Operations (DO). Dagdag pa rito, dahil sila ay Specialized Reactionary Support Force, ang mga tauhan ng SAF ay pakikilusin ayon sa kasunduan sa pagitan ng DO, kasama ang SAF Director.

Pakikilusin ng PNP ang lahat ng kanilang unipormadong tauhan na ang gawain ay pang administratibo upang mapunan ang bilang nga mga tauhan ng pulis na nasa lansangan lalo na sa 15 na kinilalang election hotspot simjula sa Mayo 8 hanggang Mayo 16, 2013.

Ang pagtatalaga ng 50 porsyentong unipormadong pulis na ang gawain ay pang administratibo ay ilalagay sa mga estasyon ng pulisiya sa iba't ibang bayan at lungsod sa buong bansa bilang dagdag na tauhan sa pagpapatrolya, sa checkpoints at gawaing pangontra sa krimen.

Sinabi ng PNP Director for Personnel and Records Management (DPRM) at kumander ng Task Group Human Resource ng Task Force SAFE 2013 na si Police Director Catalino Uy na ang pagtatalaga ng kanilang mga tauhan ay alinsunod sa "Special Orders for their temporary detail." (RER/DMS/PNP/PIA-Caraga)


Cebuano news: Malakanyang mianunsyo eleksyon liquor ban magsugod Mayo 9 ngadto 13

By ni Susil D. Ragas

SURIGAO CITY, Mayo 8 (PIA) -- Gipagawas sa gobyerno pinaagi sa internet infographic ang mahitungod sa gidili nga mga ilimnom atol sa national ug local eleksyon karong Mayo 13, matud sa opisyales sa Palasyo kagahapon.

Sumala ni Deputy Presidential Spokesperson Abigail Valte kagahapon nga giawhag sa gobyerno ang katawhan sa pagbisita sa Opisyal Gazette website nga http://www.gov.ph aron makakuha og mga impormasyon kalabot na sa election liquor ban nga magsugod karong Mayo 9 (12:00 sa buntag) hangtod Mayo 13 (11:59 sa gabii) karong tuiga.

Sumala pa ni Valte nga usa lamang kinika hamubo nga pahibalo alang sa katawhan nga makita didto sa maong website nga gikinahanglang mahibaw-an sa katawhan mahitungod sa liquor ban, nga ipahamtang subay sa eleksyon karong umaabot Lunes.

Ang Philippine National Police estriktong mo implementar niining maong nationwide liquor ban nga gipahamtang sa Commission on Elections.

Ubos sa Section 261 sa Omnibus Election Code, gidili niini sa binsan kinsa ang pagbaligya, pagpalit, pagtanyag, pagsirbi o pag-inom og makahubog nga ilimnon atol sa oras sa liquor ban, apan kadtong mga hotel ug uban pa nga mga establisyemento nga adunay sertipikasyon sa gobyerno isip “tourist-oriented” mamahimong eksemted sa maong ban.

Apan ang maong balaodnon nagtugot usab sa pag-inom sa mga makahubog nga ilimnom sulod sa pribadong panimalay lamang. Ang mga turistang langyaw pwede mo inom sa makahubog nga ilimnom sulod lamang niadtong mga eksemted nga mga establisyemento. (RER/SDR/PIA-Surigao del Norte)