Cebuano News: NEDA Board
mi-aprobar sa 5 ka mga proyekto sa kalambuan
Ni Nida Grace B. Tranquilan
SURIGAO DEL SUR, Enero 21 (PIA)
– Ang National Economic and Development Authority kon NEDA mi-aprobar sa nag
ubay ubay’ng imprastraktura ug mga proyekto batok sa “anti-poverty” atol sa
panagtigum niadtong Biyeres kung diin si Presidente Benigno S. Aquino III ang
tsirman sa NEDA Board.
Ang mga proyektong na-aprobahan
atol sa panagtigom sa mga board gilagkuban sa Cavite-Laguna Expressway (CALAX
Project) P35.57 bilyon; NLEX-SLEX Connector road project, P25.55 Bilyon; ug ang
Adapting to Climate Change pinaage sa Construction of Water Impounding
Facilities sa Pilipinas: Pasa Small Reservoir Irrigation Project (Pasa SRIP).
Ang maong mga proyekto
gipundohan sa “official development assistance” nga mikantidad sa P935.6 Milyon
ug ang local nga panggamhanan mipundo usab sa kantidad nga P93.41 milyon. Ang
maong mga proyekto sumala pa mikabat sa P1.029 Bilyon.
Laing mga proyektong aprobado
gilangkuban sa gitanyag nga Change in Scope of Second Cordillera Highland
Agricultural Resources Management Project (CHARMP II); P2.94 Bilyon,
Kapit-Bisig Laban sa Kahirapan-Comprehensive Integrated Delivery of Social
Service (KALAHI-CIDSS) National Community Driven Development Project, P81.9
Bilyon. (NGBT/PIA-Surigao del Sur)
Cebuano News: Pangulong Aquino
gi-aghat ang AFP nga tumanon ang ilang mandato aron seguroon nga malinawon ug hapsay
ang umaabot nga piniliay
Ni Fryan E. Abkilan
SURIGAO CITY, Enero 21 (PIA) –
Gi-aghat ni Pangulong Aquino ang Armed Forces of the Philippines (AFP) aron
tumanon ang mandato niini sa pagsiguro sa usa ka malinawon ug hapsay ang 2013
mid-term elections sa nasod.
Ang Pangulo mihimo sa maong
pag-aghat ug midayeg sa mahinungdanong papel sa AFP aron mapreserba ang
integridad sa eleksyon sa nasod atol sa Testimonial Review of honor kang kanhi
AFP Chief Staff General Jessie D. Dellosa ug Change of Command Ceremony didto
sa AFP Headquaters, Camp General Emilio Aguinaldo sa Quezon City kagahapon.
Matud pa sa Pangulo nga siya
milaom nga ang AFP, ubos sa liderato ni Lieutenant General Emmmanuel T.
Bautista, nga barugan gyud ang soberensya, suportahan ang konstitusyon, ug panalipdan
ang teritoryo sa Pilipinas batok sa tanang kaaway.
Gitumbok usab sa Pangulo nga
ubos sa Revised Armed Forces of the Philippines Modernization Act nga
gipirmahan niadtong Disyembre uban ang unang sitentay singko bilyones nga pondo
sulod sa lima katuig aron ipalit og bag-ong mga gamit sama sa helicopters, mga
modernong barko at armas lakip usab ang pagtukod og mokabat 53, 000 ka mga
housing units alang sa mga kasundalan, dako ang iyang kumpiyansa nga motrabo
gyud og maayo ang mga kasundalohan aron depensahan ang nasod. (PIA-Surigao del
Norte)
