Cebuano news: Malacañang nalipay sa kadaugan ni
Janine Tugonon sa Ms. Universe Pageant
By Susil D. Ragas
SURIGAO CITY, Dis. 22 (PIA) -- Gikalipay sa
Malacañang kagahapon ang kadaugan ni Janine Tugonon isip first runner-up sa Ms.
Universe pageant didto sa Las Vegas, Nevada; ug pinaagi sa iyang kadaugan iyang
gipakita sa tibook kalibutan ang pagkaambungan, pagkamaabtik, ug pagkamaanyag
sa mga Filipina.
Matud ni Deputy Presidential Spokesperson
Abigail Valte ang kadaugan ni Tugonon dugang mipakita sa talagsaon nga kinaiya
sa mga Filipino isip “world-class.”
Tungod sa maong kadaugan, si Tugonon nahilira na
karon nila kanhe Binibining Pilipinas-Universe winners, 4th runner-up, Venus
Raj niadtong 2010; 3rd runner-up Shamcey Supsup niadtong 2011.
Ang uban pang mga mananaog sa Ms. Universe
karong tuiga mao sila Miss USA Olivia Culpo, Miss Venezuela Irene Sofia Esser
Quintero, Miss Australia Renae Ayris, ug Miss Brazil Gabriela
Markus. (PIA-Surigao del Norte)
