PIA News Service - Saturday, November 24, 2012


Cebuano news: Aquino giawhag ang mga non-government organizations aron motabang pagpili og bag-ong mga lideres alang sa umaabot nga piniliay

Ni Susil D. Ragas

SURIGAO CITY, Nob. 24 (PIA) -- Tungod sa pagkamahinungdanon sa ilang papel isip partner sa gobyerno sa pag-ugmad sa kalamboan sa nasod, giawhag ni Pangulong Benigno S. Aquino III ang mga non-government organizations, partikular na kadtong nahisakop sa Caucus of Development NGO (CODE-NGO) Networks aron motabang paggiya sa mga Filipino pagpili sa mosunod nga hut-ong sa mga lideres sa sunod tuig nga piniliay.

Sa iyang mensahe atol sa 20th year anniversary ug 5th Congress of CODE-NGO nga gipahigayon didto sa Skydome sa SM North Edsa, Quezon City kagahapon, ang Pangulo miingon nga kini nga mga organisasyon makatabang sa mga Filipino paghimo ug mopili kinsa ang angay pillion kay sila nahibalo na sa iyang estilo panggobyerno kumpara sa niaging mga administrasyon.

“Sa Mayo, muli tayong haharap sa sangandaan na huhubog sa ating kinabukasan at kasaysayan. Bukod sa pagbabantay ng mga balota, maging gabay sana tayo ng mamamayan sa pagpili ng mga itatalagang pinuno,” Matud sa Pangulo.

“Sa matagal na panahon, nasadlak tayo sa pag-iisip na pare-pareho lang ang lahat ng gustong maglingkod sa gobyerno. Pero nakita ninyo ang pagkakaiba ng estilo ng aming pamumuno, sa dinatnan nating status quo. Hahayaan ba nating pamunuan tayong muli ng mga kawatan at nanlalamang? Huwag naman po sana,” sa iyang pagpasabot.

Matud pa niya ang abilidad sa iyang administrasyon aron maimplementar ang mga reporma sa gobyerno sulod lamang sa duha ka tuig nahimo tungod sa mga paningkamot ug suporta sa katawhan nga misalig pagsubay sa deretso nga dalan ug misalig sa saktong panggobyerno.

“Sa susunod na mga taon, tiyak na mas mapipintog pang bunga ang ating mapipitas kung iisa pa rin ang direksyong ating tinatahak. Sa tulong ng ating NGOs, kompiyansa akong patuloy tayong makakapagpunla ng magandang bukas para sa Pilipinas at sa Pilipino, matud sa Pangulo. (PIA-Surigao del Norte)