(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


PIA News Service - Sunday, October 23, 2011

Cebuano News: Estudyante sa Caraga, top 5 sa nationwide poster making contest

BUTUAN CITY, Okt. 23 (PIA)
-- Dakong garbo sa mga Caraganons human nilampos pagsakmit sa top 5 ang representante sa rehiyon alang sa on-the-spot poster making contest nga gipahigayon sa Department of Agriculture (DA)-Diliman, Quezon City.

Ang kompetisyon gihimo subay sa gipahigayong World Food Day isip tinuig nga kalihukan.

Gipahigayon kini sa matag buwan sa Oktubre nga pasiugdahan sa Food and Agriculture Organization (FAO) ug DA.

Giila ang nahisgutan nga usa ka Aldren Mark Onggos, magtutungha sa Bayugan Central Elementary School.

Nadawat ni Onggos ang premyo balor P15,000 ug plaque of appreciation plus educational tour. (BR/PIA-Caraga)

.
Cebuano News: Buwayang Lolong pabiling healthy, kita sa matag adlaw, muabot sa P8,000

BUTUAN CITY, Okt. 23 (PIA)
- Pabiling healthy ang panglawas ug padayong aktibo ang buwayang si Lolong base sa obserbasyon nga gihimo sa PAWD kon Protected Areas and Wildlife Division sa Department of Environment and Natural Resources kon DENR-Caraga.

Kini ang gikumpirma ni Bunawan Agusan del Sur Mayor Edwin Elorde.

Sigun sa Mayor nga permi na sila nga nagbutang ug pagkaon sa gibutangan nga dakong hawla kang Lolong aron kung gusto kini nga mukaon duna gilayon kini makaon.

Giklaro ni Mayor Elorde nga matag adlaw dunay mubisita kang Lolong gikan sa nagkalain laing lugar ug mas daghan ang ihap sa mudalikyat matag adlaw'ng sabado ug dominggo.

Matud ni Mayor Elorde nga mukabat sa 20-pesos ang bayad niadtong gustong musaksi kang Lolong gani matag adlaw, mu-average ang kita og 5-mil ngadto na sa 8-mil pesos.

Samtang gipahayag ni Mayor Elorde nga gidali nila karon ang konstruksyon sa laing dakong hawla nga butangan usab sa laing buwaya nga gikatakdang dakpon nga anaa pa sa Agusan Marsh.

Giklaro sa Mayor nga dili sila makahimo pag-operate sa pagdakop sa mga kaubanang buwaya ni Lolong kung walay kabutangan gumikan kay dili pwedeng isagol kang Lolong tungod kay managlahi na ang ilang habitat.


Paningkamutan ni Mayor Elorde nga matapos ang konstruksyon karong buwana, aron sa buwan sa Nobyembre ug Disyembre mag-operate na usab sila sa pagdakop sa laing buwaya ilabina nga sa maong panahon ting ulan na usab. (BR/PIA-Caraga)