(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


PIA News Service - Sunday, September 4, 2011

Cebuano News: Independent committee gimugna aron manguna sa negosasyon para sa luwas nga pagbuhi kay Mayor Dano

BUTUAN CITY, Sept. 4 (PIA) -- Gimugna na sa Local Crisis Management Committee ang Independent Humanitarian Committee nga maoy makignegosyar sa National Democratic Front of the Philippines (NDFP) negotiating panel alang sa luwas nga pagbuhi kang Lingig, Surigao del Sur Mayor Henry Dano ug sa duha niya ka mga military escorts.

Sigon ni Butuan City Councilor Erwin Dano, pag-umangkon sa gidagit nga mayor og membro sa negotiating team, ka-uban nila sa grupo ang mga tag-as nga opisyal gikan sa nagkada-iyang sektor sama ni Congressman Satur Ocampo nga presidente sa Makabayan Coalition, ug Surigao del Sur Gov. Johnny Pimentel nga chairman sa Local Crisis Management.

Sa pagkakaron, Mindanaowide na ang panawagan sa negotiating team kang Pangulong Noynoy Aquino nga sanun gon una ang hangyo sa mga rebeldeng New People's Army nga temporaryo unang ihunong ang military operation sa Surigao del Sur ug sidlakang bahin sa Mindanao alang sa luwas nga pagbuhi sa mga bihag.

Dugang pa sa opisyal, subling gipamugos sa mga rebelde ang ilang hangyo dungan sa pagklaro nga anaa sa maayong kahimtang ang mga biktima kinsa ila lamang gi-imbitar alang sa pagtin-aw sa pipila ka mga isyu og wala nila gidagit. (BR/PIA-Caraga)



Cebuano News: Launching sa 'JYes Kontra Droga' sa Tandag City, gitambungan ni PDEA Dir. Gen Usec Jose Gutierrez Jr

BUTUAN CITY, Sept. 4 (PIA) -- Mismong si Philippine Drug Enforcement Agency (PDEA) Director General USEC Jose Gutierrez, Jr. ang nagsilbing guest speaker sa launching sa "JYes Kontra Droga" bag-ohay pa lamang didto sa Tandag City.

Ang kampanya sa anti-illegal drugs ang gipangunahan sa provincial government pinaagi sa Provincial Anti-Drug Abuse Council (PADAC).

Ang PADAC kinsa gipanguluhan ni Governor Johnny Pimentel, nagtumong nga ang probinsya sa Surigao del Sur mahimo nang drug free.


Gibuksan ang nasangpit nga kalihukan sa usa ka thanksgiving mass nga gihimo sa San Nicolas de Tolentino Cathedral nga gisundan usab sa motorkada nga maoy nagsilbing signal sa pagsugod sa ‘Big Bang’ event sa probinsya ug ang unveiling sa "JYes Kontra Droga" o ang content sa JYes (10) point agenda ngadto sa publiko.


Samtang nihatag usab si Ms. Alma Concepcion ang beauty queen/actress sa iyang testimony message kalabot sa iyang eksperensiya sa illegal nga druga.
(BR/PIA-Caraga)


Cebuano News: Padayong giimbestigahan sa kapulisan ang pagsunog sa rebeldeng NPA sa sawmill ug backhoe sa Agusan del Sur

BUTUAN CITY, Sept. 4 (PIA) -- Tulo ka sunod-sunod nga pag-atake ang gihimo sa mga rebeldeng New People's Army didto sa lalawigan sa Agusan del Sur ning mi-aging adlaw resulta sa dako-dakong damyos nga ilang nabilin.

Base sa report sa Police Regional Office-13, unang gisunog sa mga rebelde pasado alas-11:55 sa gabii niadtong Agosto 24 ning tuiga ang usa ka chainsaw didto sa Brgy. Basa, lungsod sa Trento sa maong lalawigan kondiin ang maong butang, gipanag-iyahan sa negosyanteng si Leyte Gentio, residente sa Brgy. Poblacion sakop sa maong lungsod.

Paglabay sa kapin usa ka oras, susamang grupo ang misunog sa usa ka sawmill sa susamang dapit anga gipanag-iyahan ni Celia Tiu, residente sa Brgy. Manat sakop sa maong lungsod. Pagka-alas kwatro sa kaadlawon, usa ka yunit sa PW30 excavator mini backhoe nga gipanag-iyahan sa Agusan Plantation Incorporated ang gisunog usab sa susamang grupo sa Brgy. Imelda, Bunawan, Agusan del Sur.

Padayon ang gihimong imbestigasyon sa kapulisan kondiin ilang gitapok ang mga saksi sa maong mga hitabo alang sa posibleng pag-ila sa mga suspek nga gamiton nila sa pagpasaka og tukmang kaso ngadto sa korte.
(BR/PIA-Caraga)




Cebuano News: Number 16 most wanted sa Caraga region, nadakpan na

BUTUAN CITY, Sept. 4 (PIA) -- Nadakpan na ang ika number 16 most wanted person sa Caraga Region base sa Department of the Interior and Local Government (DILG) Memorandum Circular number 2002-39 kondiin mukabat sa 75-mil pesos ang monetary reward.

Ang maong wanted person ang giaresto sa mga sakop sa 13th Regional Criminal Investigation and Detection Group kon RCIDU ug Regional Intelligence Division kauban na ang Mat-i Davao Oriental CIDT, niadtong Biyernes, Sept. 2 sa alas 9:00 sa buntag sa Madang Mat-i City Davao Oriental.

Naila ang maong lalaki nga si Leonardo Madelo Jr, 43-anyos, minyo ug nagpuyo sa Brgy. Tungao sa syudad sa Butuan.

Siya giaresto pinaagi sa gahum sa warrant of arrest nga gi-isyu ni Judge Godofredo Abul Jr sa Regional Trial Court Branch 4, Hall of Justice Libertad ning syudad.

Kasong murder ang giatubang ni Madelo, ubos sa criminal case number 6675 kinsa kasamtangan karong gidetiner sa 13th RCIDU. (BR/PIA-Caraga)



Cebuano News: Rebildeng NPA ug militar, subling nagka-engkwentro sa Surigao del Norte

BUTUAN CITY, Sept. 4 (PIA) -- Subli na usab nga nakasugat ug engkwentro ang militar nga sakoap sa 30th IB Phillipine Army kagahapong adlawa (Sept. 3) alas 6:30 sa buntag sa Kamam-unan sa Surigao del Norte.

Segun ni Brigade Commander Rodrigo Diapana sa 402nd Brigade nga nagpatrolya ang mga kasundaluhan sa maong area, dihang kalit nga gikatagbo ang mga rebildeng New Peoples Army (NPA) nga gituhuang sakop sa Front Committee -16.

Milungtad lamang ug pipila ka minutos ang pagbinayluay ug buto sa armas sa duha ka panig.
Giklaro usab ni Col. Diapana nga walay gikatahong namatay o naangol sa panig sa mga sundalo sa maong engkwentro. (BR/PIA-Caraga)