PIA News Service - Friday, September 16, 2011

Cebuano news: Presidente adunay dakong pagsalig ug kompiyansa kay Delima – Malacañang

ni Dandy Lapura

SURIGAO CITY, Sept. 16 (PIA) - Gipasalig sa Malacañang nga si Presidente Benigno S. Aquino III adunay dakong pagsalig ug kompiyansa kay Justice Secretary Leila de Lima bisan pa sa pagyamar sa ubay-ubay nga grupo para ipanaug sa pwesto tungod sa pagkutlo sa kapakyas ug pagpasaka sa kaso batok sa mga opisyales sa gobyerno labina sa milabay nga administrasyon.

Sa maong regular na press briefing sa Palasyo kaniadtong Martes, ingon ni Presidential Spokesperson Edwin Lacierda nga ang Presidente adunay hingpit nga kompiyansa sa Justice Secretary sa gipadayag niya pinaage sa pagatender sa mga miting sa Palasyo labina sa mga isyung legal na may kalabotan sa gobyerno.

“The President maintains his confidence on Secretary Leila de Lima, she’s always called during meetings in the Palace,” ingon ni Lacierda.

Geklaro ni Lacierda nga si Secretary De Lima mingtutok sa iyang responsibilidad ug gikutlo niya nga metikulosong gebuhat sa gobyerno ang tanang lihok labina sa pag-ipon sa mga supisyenteng bahin nga ebidensya sa dili pa ipasaka ang kaso batok sa mga balikong opisyales sa publiko ubos sa Opisina sa Ombudsman.

“I understand the impatience of some groups but we have to be very prudent in the way we gather evidence, I can very well tell you that Secretary of Justice Leila de Lima has been hard at work, in fact she was with us in this morning’s meeting with the President,” dugang ni Lacierda.

Si Lacierda miingon usab nga ang administrasyong Aquino dili kung bayas sa mga gepasakahan ug kaso tungod kay kini usab ipasaka depende sa mga ebidensyang nalikom.

Usa ka grupo nga 30 ka indibidwals gipangunahan sa usa ka radio program nagtigom atubangan sa Department of Justice kaniadtong Lunes ug getumbok ang Justice Secretary nga gekutlo nila nga adunay walay maayong nahimo sa pagresolbar sa kasong graft ug plunder batok sa anhing Presidente. Mipasundayag ang maong grupo kay De Lima na monaug sa iyang pwesto tungod sa nialegar nga kapakyasan sa pagpasaka ug kaso batok sa mga nangurakot sa nasod kaniadtong milabay nga administrasyon. (PIA-Surigao del Norte)


Cebuano news: Youth Leaders Network gisugdan na ang programa alang sa kalinaw

ni Danilo S. Makiling

BUTUAN CITY, Sept. 16 (PIA) -– Gisugdan na sa Caraga Youth Leaders’ Network (CYLN) ang nagkalain-laing buluhaton kabahin sa pagsaulog sa United Nations (UN) International Day of Peace nga ipahigayon karong umaabot nga Septiyembre 21, 2011.

Gibansagang “Kalinaw Alang sa Tanan,” tumong sa maong kalihukan aron suportahan ang pagpabilin sa kalinaw ug kauswagan sa tibuok kalibutan.

Mao pud kini ang pamaagi aron ipabilin sa huna-huna sa katawhan ang tinuod na pasabot sa kalinaw ug paghinatagay sa ilang lupyo. Ang maong kalihukan pagasalmutan sa organisasyon sa mga kabatan-onan, ahensiya sa gobyerno, NGOs, ug nagkalain-laing sector sa katilingban aron ipakita ang pagsuporta sa kalinaw sa rehiyon.

Subay niini, nipagawas og usa ka memorandum ang pangrehiyon nga buhatan sa Departamento sa Interior ug Lokal nga panggamhanan kon DILG alang sa tanang chief executives ug nag-awhag sa pagbuhat ug mga kalihukan alang sa kalinaw.

Ang “Singko Minutos sa Pag-ampo Alang sa Kalinaw” nga pagasugdan sa may alas 8:00 hangtod 8:05 ang takna sa kabuntagon karon Septiyembre 21pagapangunahan sa Sangguniang Kabataan, NGOs, oraganisasyon sa mga kabatan-unan, mga ahensya sa gobyerno ug uban pa. Ang nahisgutan nga aktibidades paga-ubanan usab og pag-ampo ingon usab sa pagdagkot sa kandila para sa kalinaw.

Samtang ang “Peace Education Symposium” usa ka buluhaton nga nangandoy nga mapalapdan ang peace education nga usa ka kampanya aron maangkon sa katawhan sa rehiyon ang ti-unay nga kalinaw.

Ang CYLN usa ka rehiyong multi–sektoral ug non–government nga organisasyon nga nagtumong nga mahatagan og prayoridad ang mga kalihukan alang sa kabatan-unang Caraganon sa rehiyon. (PIA-Caraga)