PIA News Service - Saturday, August 20, 2011

Cebuano News: 13th steering committee meeting sa co-management project gipahigayon

ni Roselyn Gangca-Exaure

AGUSAN DEL NORTE, Agosto (20) -- Gipahigayon kagahapong adlawa ang 13th Steering Committee Meeting sa Co-Management Projrect sa Provincial Government sa Agusan del Norte nga naglangkob sa LASBUENASCAR Area, nga nailing Sustainable Agro-Forestry Development Project.

Ang maong panagtigum gitambungan kini ni Agusan del Norte Gov. Erlpe John M. Amante isip presiding officer ug committee chairman, Board Member Rey Jamboy, Board Member Joseph Tomaneng ug uban pang mga myembro sa komitiba, uban ang mga prospective foriegn investors kon diin gitratar kini sa maong komitiba aron hisgutan ang ilang mga tumong ug tuyo sa pagbobo ug pohunan sa maong luna.

Gibutyag ni Agusan del Norte Gov. Erlpe John M. Amante nga kon magkasinabot ang mga myembro sa komitiba ug ang mga investors, daku matud pa kini nga benipisyo alang sa katawhang Agusanon sa natad sa ekonomikanhong kahimtang.

Ang maong panagtigum gipahigayon kini sa Provincial Investment Promotion Center, PEEDMO Building, Capitol Site, Butuan City. (Agusan del Norte PIO/PIA-Caraga)


Cebuano News: Gov. Amante, guest of honor sa travelling exhibit nga gipasiugdahan sa probinsiya

ni Roselyn Gangca-Exaure

AGUSAN DEL NORTE, Agosto 20 (PIA) – Gikatakdang ipahigayon karong hapon ang usa ka Travelling Exhibit nga gipasiugdahan sa Philippine Veterans Bank nga usa ka private commercial bank nga gipanag-iyahan sa mga Filipino World War ll Veterans nga nagdala sa themang: “War of Our Fathers…A Tribute to the Filipino Freedom Fighters”.

Gibutyag ni Mr. Ricardo A. Balbido Jr. ang Presidente ug CEO sa Veterans Bank nga masaksihan sa maong exhibit compilation ug dramatic story sa mga Worl War ll Heroes, kon diin gilangkuban kini sa 42 panels nga naglangkob sa mga wartime photos, artifacts, documents ug video presentation.

Alayon niini gikatakdang si Gov. Amante ang mo- cut sa ribbon isip simbolo sa pag-abli sa maong exhibit uban ang mga kadagkuang opisyal sa Philippine Veterans Bank, Department of Education, socio-civic organization ug uban pang mga kadagkuang opisyal sa gobyerno.

Ang maong kalihukan ipahigayon kini karong hapon alas 5:00 ang takna sa Butuan National Museum, Brgy. Doongan, Butuan City. (Agusan del Norte PIO/PIA-Caraga)