(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


PIA News Service - Sunday, July 24, 2011

Cebuano News: Philrice ug lokal nga panggamhanan nagtambayayong alang sa produktibong pagpanguma

ni Christopher Simogan

BUTUAN CITY, Hulyo 24 –- Isip usa sa rice producing city sa probinsya sa Agusan del Norte, ang dakbayan sa Butuan nagpaabot sa dakong pagsuporta sa mga programa Philippine Rice Research Institute (Philrice) aron mapataas ug mapalambo pa ang kapasidad sa pagpanguma sa dakbayan.

Tungod niini nga tumong, ang lokal nga panggamhanan ug Philrice nagkasabot sa pagpataas sa lokal nga produksyon pinaagi sa pagtino sa mga nag-unang panginahanglanon sa mga mag-uuma.

Adunay mga nakahan-ay nga mga responsibilidad ang matag ahensya alang sa pagkab-ot sa abundang ani sa kaumahan. Ang Philrice magahatag sa mga technical expertise ug igong suplay sa primera klaseng mga binhi sa humay, pagtudlo sa usa ka Rice Sufficiency Officer (RSO) nga maoy manguna sa pag-identify sa mga project sites, mga technical assistance og promotion sa maong proyekto.

Samtang sa kabahinan sa kagamhanang lokal magahatag usab kini sa tugbang nga pondong pagagamiton alang sa pagpamalit sa suplay, abono ug uban pang logistic support sa Technology Demonstration Farms, paghatag ngadto sa Philrice sa tinuig nga kopya sa Agricultural Plan, pagpakaylap sa rice -based technology ug pag-awhag sa mga kabarangayan sa pagpatuman sa maong proyekto.

Mahinungadanon ang maong panagsangga sa Philrice ug lokal nga panggamhanan sa pagpa-usbaw sa kinitaan sa pagpanguma sa ingun niana makab-ot ang gitinguha nga rice sufficiency sa dakbayan sa Butuan ug tibuok probinsya sa Agusan Del Norte.

Ang maong proyekto pinasubay usab sa R.A.8435 (Agriculture And Fisheries Modernization Act)nga nagmando sa tanang Local Government Units sa pag adaptar sa location-specific and cost effective agricultural practices.(Butuan City PIO/PIA-Caraga)

.

Cebuano News: Tulo ka adlaw nga water hyacinth handicraft training, nagmabungahon

ni Ritchelle Encabo

BUTUAN CITY, Hulo 24 – Gikalipay og dako sa mga kababayen-an ang pagkat-on sa tulo ka adlaw nga kalihukan sa Water Hyacinth Handicraft Training nga gidumala sa City Population Office.

Gisugdan ang pagbansay-bansay niadtong Mierkules hangtod Biyernes, Hulyo 20-22 ning tuiga nga gipahigayon sa Regional Training Center, Barangay Tiniwisan ning syudad.

Nangulo sa tulo ka adlaw nga orientasyon ang ahensya sa DTI pinaagi ni Ma’am Ma. Elina Semine Mercado trainor, ug sa mga Gad focal person sa nag kadaiyang barangay.

Linawas ug usa-usa nga gitudluan ang mga partesipante sa paghimo ug Tsenilas ug Bags, diin sa pagtak-op sa tulo ka adlaw nga orientasyon aduna gayoy nakat-onan ang mga partesipante.

Gikalipay usab og dako sa mga inahan ang paghatag og gahin nga pundo gikan sa Gender and Development (GAD) Fund pinaagi sa pag-alokar sa konseho sa Barangay Tiniwisan, ning syudad, hinungdan nga nagmalampuson ug nagmabungahon ang tulo ka adlaw nga kalihukan. (Butuan City PIO/PIA-Caraga)

.

Cebuano News: Senior citizens sa Brgy Mahogany giserbisyohan sa panggamhanan

BUTUAN CITY, Hulyo 24 -– Mapasalamaton ang mga miyembro sa Senior Citizens sa Barangay Mahogany human mibisita ang mga mga kadagkuan sa buhatan sa Office of Senior Citizen Affairs (OSCA) ni’ng dakbayan dili pa lang dugay sa pagpangulo sa hepe niini nga si Mrs. Imelda Nonan, uban ang mga personahe sa (CSWD) kon City Social Welfare and Development nga mitunol sa nagkadaiyang serbisyo sa mga katigulangan.

Subay niini, mainitong gihangop sa mga opisyales sa barangay ug mga katawhan ang mga personahe sa nahisgutang mga buhatan kansa mitunol sa nagkadaiyang serbisyo sama ning musunod: 1) OSCA-Geniacare Physical Therapy & Rehabilitation Center (Osca-Gptrc); 2) Community-Based Therapy Training (Combat Training)-(New); 3) EYE Program-Sight Saving Program; 4) OSCA goes to Barangay; 5) Operasyon; Pag ga’am hong Pinalanggang Senior Citizens; 6) Operasyon Impormasyon (NEW); 7) OSCA Monitoring Team (NEW); 8) Amicable Settlement Proceedings (Asep)-(New); 9) Senior Citizens ID Card Issuance; 10) Mortuary Assitance Program; 11) Senior Citizens Active Role In Community Building & Development (NEW); 12) Kakadyawan Hong Kamaasan

13. Hudyaka (Socialization)-(NEW); 13) Livehood Program-(CSWD); 14) Social Pension Program (National Program)-(New); 16) Social Enhancement Services (CSWD) ug: 17) Philhealth Sa MAAS (Matanda at Aregladong Senior ) (CSWD)-(New).

Ang maong kalihukan hugot nga gisuportahan ni halangdong mayor Dr. Jun Amante, isip kabahin sa iyang programa nga matutukan ang mga panginahanglanon sa mga katigulangan. (Butuan City PIO/PIA-Caraga)