(PAGASA 24-HOUR PUBLIC WEATHER FORECAST as of Wednesday, 24 April 2024) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Southeast will prevail with slight to moderate seas (0.6 to 2.1 meters).

PIA News Service - Saturday, March 12, 2011

Cebuano news: Pamilya sa biktima sa rockslides, tabangan sa Nasipit – LGU

BUTUAN CITY, Mar 12 (PIA) - Hatagan og hinabang sa lokal nga panggamhanan sa Nasipit, Agusan del Norte ang kabanay sa mga biktima sa rockslides kagahapon sa hapon.

Sigon ni Vice Mayor Ronald 'Pusoy' Timogan, dili ti-aw ang nadangatan sa mga biktima nga sila Carl Macas, usa ka tuig, residente sa Brgy. Sta. Ana sakop sa maong lungsod og Pepito Macas, 50-anyos, nga taga-Brgy. Camagong, hinungdan nga hatagan sila og assistance ilabina sa pagplastar sa ilang haya.

Ipatan-aw usab sa opisyal ngadto sa mga personahe sa Municipal engineering office ang dapit nga nahitabuan aron kini ma-assess alang sa kaluwasan sa mga residente.

Kung mugawas matud pa nga posibleng ma-usab ang maong panghitabo, kinahanglang i-relocate ang mga residente uban sa ihatag nga relocation site sa lokal nga kagamhanan.

Mahinumdumang nagpahulay sa usa ka cottage duol sa pangpang sa dagat sila Pepito og Clark dihang kalit lang nangligid ang mga bato nga susama kadako sa balay og mipadulong kanila hinungdan sa ilang pagkamatay og pagka-angol usab sa 10-anyos nga si Geraldine Macas. (BR-Butuan/PIA-Caraga)


Cebuano News: Pipila ka mga Pinoy sa Japan, dili pa apektado sa magnitude 8.9 nga pagtay-og

BUTUAN CITY, Mar 12 (PIA) - Aminado ang usa ka Pinoy nga nakabase sa Japan nga ang magnitude 8.9 ang pinakakusog nga pagtay-og sa nasangpit nga bansa.

Sigon ni Elsa Medrano-Sonoda nga tubong Butuan City og kasamtangang atua sa Fukouka Japan, wala nila nasinati-e ang pagtay-og sanglit layo ra ang ilang probinsya gikan sa epicenter sa linog.

Ingon paman, hingpit ang ilang pagbantay og pag-alerto sa mga aftershocks nga posible nilang masinatian sa mga sunod nga adlaw.

Dugan niini, nanawagan usab si Elsa sa iyang mga kabanay sa Butuan nga luwas sila sa pagkakaron og walay angay ikaguol mahitungod sa ilang kahimtang og andam sila sa pagpakig-alayon kalabot sa mga pinakaulahing panghitabo sa nasangpit nga nasud subay usab sa natigayong magnitude 8.9 nga linog og tsunami hit. (BR-Butuan/PIA-Caraga)