3.24.2010

PIA News Service - Thursday, March 25, 2010

Cebuano News: FSUU POLICY CENTER mipagawas sa ilang survey sa pulitika
By Michael A. Imbo

BUTUAN CITY (March 25) – Nagpatawag sa usa ka press conference ang Father Saturnino Urios University (FSUU) Policy Center sa mga sakop sa lokal tri-media alang sa pagpagawas sa resulta sa ilang gihimong 1st Poll Survey Result lambigit sa eleksyon karong Mayo 2010.

Ang grupo sa mga researcher sa FSUU PC ang mipahigayon sa survey ug ilang gihimo ang pagkuha sa opinyon sa mga botante kung si kinsa ang pilion panahon unya sa piniliay.

Mitumaw nga si Senators Benigno Aquino ug Mar Roxas ang nanguna sa presidential ug vice presidential nga posisyon.

Apan gipaneguro sa mga botante nga sa napili nga mga political lider dili pa kini sigurado sa ilang baruganan sanglit gisugyot sa kadaghanan sa nakuhaan sa survey nga ilang giklaro ang kandidato nga nag-sentro ang plata porma sa kapobrehon ug ekonomiya.

Ang FSUU PC nagbutyag nga ang ilang grupo sakop sa mga Non-Commissioned Organization ang mipahigayon sa survey nga gisugdan niadto pang bulan sa Pebrero ning tuiga.

Gikuhaan sa pulso ang 27 ka Urban ug 59 ka Rural nga barangay dinhe sa dakbayan nga mikabat sa 396 ka botante nga nagikan sa lain-laing sektor.

Sa nakuhang talaan dunay 10.8% ang naani ni Senator Aquino samtang kang Villar 18.9% gisundan kini ni Teodoro sa significant nga 0.5 level. Kini nga survey ang nakuha gikan sa botante nga may lain-laing estado sa edad ug nag-depende sa ilang income brackets.

Samtang si Senator Roxas ang nanguna sa pagka-bise presidente nga may 47% gisundan ni Senator Legarda (11.1%) ug Mayor Binay nga may (9.1%). Si Senator Roxas ang migahin sa margin nga 35.9%. kini sumala pa sa mga dunay across income bracket ug hugpong sa age group.

Sa bahin sa probinsya si Congressman Joeboy Aquino ang nakakuha sa 57.1% ang labaw batok kang Angelo Jimenez nga may 7.6% ang pabor.

Ilalom sa bando sa pagka mayor ug bise-mayor, sulod sa 10 ka respondents halos 3 niini ang pabor kang Amante, 3 ang Kang Plaza ug 3 sab ang habig sa wala pay desisyon (undecided). Sa pagka-bise-mayor si Incumbent Vice Mayor Dino Sanchez ang nanguna nga may 34.6% samtang si City Councilor Laurence Fortun ang dunay 27.8%.

Ang mga botante ang wala pay konkreto nga napilian sa 10 ka kandidato pagka konsehal sa dakbayan. Gumikan kay wala pa magsugod ang campaign period sa lokal nga kagamhanan daghan ang wala masayod sa midagan sa posisyon aron masayran ug mail-han sa mga botante ang mga nagpapili sa eleksyon.

Apan dunay mga pangalan nga una ng nailhan sa pipila ka mga respondents nga ilang paboran kinsa mga incumbent ug mga former councilors sa dakbayan nanguna na niana ang Plaza-8.3%, Amoc-8.1%, Marticion-7.6%, Calo-6.6%, Dano-5.8%, Culima-5.1%, Carampatana-4.5%, Bernabe-2.3%, Bunol-1.8%, ug Cembrano-1.3%.

Giduso kini sa FSUU PC sa katuyuan nga ma-edukar ang katawhan kabahin sa ipahigayong eleksyon, aron maklaro ang epekto sa mga panghitabo, tutokan ang mga problema ug tukion ang kabag-ohan. Hisgutan ang mga kasamok ug kadaot sa eleksyon sama sa tikas sa resulta, proseso sa automated voting system, epekto sa power outrages, pagpamalit sa boto, ug mga kagubot nga hatod sa piniliay. (PIA-Caraga)


Cebuano News: Caraga makigduyog sa Earth Hour 2010 
By Michael A. Imbo

BUTUAN CITY (March 25) – Ang City Government sa dakbayan inabagan sa kooperasyon sa Regional Line Agencies makigduyog sa himoong switch-off sulod sa usa ka oras alang sa pagsaulog sa Earth Hour karong Sabado ( March 27) alas 8:30 ang takna sa gabii, didto sa Rizal Park, ni’ng dakbayan.

Gipahigayon ang usa ka meeting sa mga Technical Working Group (TWG) nga gipanguluhan ni Forester Alexander Alaan, City Administrative Office niadtong Biernes (March 19) ug Miyerkules (March 24) alang sa pagpangandam sa kalihukan.

Ang ipahigayong Earth Hour mag-awhag sa katawhan sa boluntaryong partisipasyon sa pagpalong sa ilang kuryente ug mga suga aron pahugtan ang pakigduyog sa dakong epekto sa climate change sa kalibotan.

Gilauman nga tambongan kini sa mga estudyante sa nagkalain-laing eskwelahan, representante sa lokal nga kagamhanan, mga sakop sa ahensya sa gobyerno ug Non Government Organizations ug uban pa.

Ang okasyon suportahan sa dagkong establisemento, mga negosyante, city main billboards aron mukonhod ang pagamit sa elektrisidad sa syudad.

Sugdan ang programa sa mga pasundayag ug mga presentasyon aron ang himoong selebrasyon sa Earth Hour makakuha’g atensyon ngadto sa kalibotan.

Si Butuan City Mayor Democrito D. Plaza II ang mopakitag suporta uban ang mga bisita ug dinapit nga mga guests aron mosalmot sa kalihukan sa pagtimbaya sa kina-iyahan ug pagsalbar sa hulga sa global warming.

Ang Agusan del Norte Electric Cooperative, Inc. (ANECO) ang mohatag pod sa ilang presentasyon kabahin sa Kuryentipid Tips

Pinaagi sa pagpalanog sa siren gi-awhag ang tanan nga makigdungan sa partisipasyon sa pagpakunhod sa kuryente lukop syudad ug nasud alang sa makahulogan nga selebrasyon sa Earth Hour 2010.

Human niana tukion ang mga epekto sa greenhouse, global warming, climate change ug uban pang mga isyu lambigit sa kina-iyahan. 

Ang kalihukan gihimo sa kalibotan aron ipakita ang pagpakabana ug pagpanalipod sa kina-iyahan nga gi-abusohan sa katawhan. (PIA-Caraga)



Tribal Community Avail of Farm to market Road from CIDP

A two kilometer farm to market road amounting to almost P3M from the DA’s Caraga Integrated Development Program (CIDP) which extends from Bangonay, Jabonga Agusan del Norte to a remote barangay of Tagbuaya in the said municipality has been availed by the tribal community of the place composed of Mamanwas.

The said farm to Market Road was realized through the efforts of the LGU of Jabonga headed by the Hon. Mayor Glicerio Monton and DA-RFU-13 in a counter parting scheme which aim at alleviating the present plight of the marginal tribal farmersin bringing their produce to the market at the right time. 

With an influence area of around 1,500 hectares and benefiting around 500 households, farmers can now focused their production to rice, banana, coconut, and vegetables because there is already a sure way of transporting their products to the nearest market.

The road has helped a lot as it entails lesser hauling cost in part of the farmers. It has also made the lives of the tribal folks a lot more convenient because of the good road to traverse with.

Children can now go to school on time and without hassels, not like before that they have to drip their feet in mud just to reach the place.

“Sa una, amo rang pas-anon ang among mga baligya aron makaabot didto sa merkado, o dili ba kaha hinuon amo kining balsahon para makaabot lang didto. Apan karon, duna nay mosulod nga mga sakyanan kay maayo na man ang kalsada ug barato na usab ang among plitehan”. Nagkanayon si Elisa Subanon, usa ka lumulopyo sa maong lugar. (“Before we used to carry our products in our backs or used carabao sleds to bring it to the nearest market, but now, we have transport our products with lesser cost”). CIDP really fosters lives rekindles hopes.
(Rebecca R. Atega, DA-RFU13/ PIA-Caraga)