Cebuano News: Printing sa balota para sa 2010 poll, gisugdan na
BUTUAN CITY (09 February) - Gisugdan na ang pag-imprenta sa mga balota nga maoy gamiton sa umaabot, nga eleksyon karong Mayo 2010.
Matud ni Commission on Elections (COMELEC) Executive Director Atty. Jose Tolentino nga gipahigayon na ang preliminary activities diin gi-seguro nga ensakto ang sukod sa pagputol sa mga balota.
Sa report sa Bombo Radyo, nasayran nga personal nga gidumala ni Tolentino ang unang adlaw sa pag-imprinta sa mga balota ug nakig-meeting pa kini sa National Printing Office (NPO) aron sayron kung aduna bay problema sa pagsugod sa pag-imprinta.
Matud ni Tolentino, unahon nga himuon ang balota para sa Autonomous Region sa Muslim Mindanao diin sobra kini sa usa ka milyon.
Matud niya nga human ang pag imprinta dili una ipagawas sa NPO ang mga balota, kini aron maseguro nga dili kini gamiton sa paglingla.
Kung duol na ang piniliay, sumala ni Tolentino nga una na ipadala sa mga lugar ang gamiton nga balota.
Matud pa nga girekomenda sab ni Tolentino sa enc banc session Comelec karong adlawa ang publisar sa final template sa gamiton nga balota tungod kay daghan ang matud pa niya nangayo niini aron himuon nga sample ballot.
Samtang sayo pa, gipabantayan sab sa Liberal Party ang pagsugod sa ballot printing.
Gikatahong nadismaya ang partido, tungod kay kung nagdali pa ang Comelec, kinahanglan unta kaadlawon pa lang kagahapon gisugdan na ang pag-imprinta sa balota nga gamiton sa piniliay. (PNN/PIA-Caraga)
BUTUAN CITY (09 February) - Gisugdan na ang pag-imprenta sa mga balota nga maoy gamiton sa umaabot, nga eleksyon karong Mayo 2010.
Matud ni Commission on Elections (COMELEC) Executive Director Atty. Jose Tolentino nga gipahigayon na ang preliminary activities diin gi-seguro nga ensakto ang sukod sa pagputol sa mga balota.
Sa report sa Bombo Radyo, nasayran nga personal nga gidumala ni Tolentino ang unang adlaw sa pag-imprinta sa mga balota ug nakig-meeting pa kini sa National Printing Office (NPO) aron sayron kung aduna bay problema sa pagsugod sa pag-imprinta.
Matud ni Tolentino, unahon nga himuon ang balota para sa Autonomous Region sa Muslim Mindanao diin sobra kini sa usa ka milyon.
Matud niya nga human ang pag imprinta dili una ipagawas sa NPO ang mga balota, kini aron maseguro nga dili kini gamiton sa paglingla.
Kung duol na ang piniliay, sumala ni Tolentino nga una na ipadala sa mga lugar ang gamiton nga balota.
Matud pa nga girekomenda sab ni Tolentino sa enc banc session Comelec karong adlawa ang publisar sa final template sa gamiton nga balota tungod kay daghan ang matud pa niya nangayo niini aron himuon nga sample ballot.
Samtang sayo pa, gipabantayan sab sa Liberal Party ang pagsugod sa ballot printing.
Gikatahong nadismaya ang partido, tungod kay kung nagdali pa ang Comelec, kinahanglan unta kaadlawon pa lang kagahapon gisugdan na ang pag-imprinta sa balota nga gamiton sa piniliay. (PNN/PIA-Caraga)
