(PAGASA 24-HOUR PUBLIC WEATHER FORECAST as of Wednesday, 24 April 2024) Easterlies affecting the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies/Localized Thunderstorms. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Southeast will prevail with slight to moderate seas (0.6 to 2.1 meters).

PIA News Service - Friday, Feb. 19, 2010

Cebuano News: Mindanao Legacy Tour ni PGMA, malampuson

By Michael A. Imbo

SURIGAO DEL NORTE (19 February) – Gilibot ni Presidente Gloria Macapagal Arroyo ang mga Rehiyon sa Mindanao alang sa gihimong pag-inspeksyun sa mga on-going projects ug Mindanao Legacy Tour sa Pangulo, niadtong Martes (16 Pebrero).

Si Presidente Arroyo miduot sa paghatod sa taas nga kalidad sa edukasyon sa mga kabataan sa pagpatukod ug mga dugang pasilidad alang sa mga state colleges ug unibersidad lukop nasud.

Sa pagtuki ni Pres. Arroyo lambigit sa Mindanao Agribusiness Tour niini sa mga probinsya giklaro ang mga nahimong kalamboan ug pagsaka sa ekonomiya sa nasud atol sa iyang gitunol nga “speech” didto sa may Engineering Building of Surigao del Norte College of Agriculture and Technology (SNCAT) in Brgy. Magpayang.

“Kinahanglang nga mu-invest gyud kita sa edukasyon tungod kay ang edukasyon maoy maka haw-as sa kapobrehon ilabi na dinhi sa probinsya sa Surigao del Norte diin kini nahi-apil sa pinaka-poorest province nationwide”. sulti sa Pangulo.

Dugang sa Presidente nga abunohan sa dugang upgrade facilities ang tunghaan sa SNCAT lakip na ang dugang manpower nga gilaumang muhulma sa mga estudyante aron makab-ot niini ang kalidad sa edukasyon partikular na sa agrikultura ug teknolohiya.

Sa gipakitang presentasyon nga gipadayag sa publiko, misaksi sa programa ang katawhan nga gilangkuban sa gibana-banang 350 ka mga estudyante, magtutudlo, opisyales ug kumunidad sa mga proyektong ubos sa Mindanao Agribusiness.

Human sa presentasyon, ang Pangulo miadto sa Mainit Kasili Lakeside Resort sa Brgy. Quezon alang sa pakigpulong kauban ang Presidential Adviser on the Peace Process (OPAPP) Sec. Jesus Dureza, Department of Transportation and Communications (DOTC) Sec. Leandro Mendoza, Department of Public Works and Highways (DPWH) Sec. Victor Domingo, Department of Environment and Natural Resources (DENR) Sec. Horacio Ramos, Press Sec. Crispulo Icban, Commission on Higher Education (CHED) Commissioner Hadja Luningning Omar, and Agusan del Norte 1st District Representative Jose “Joboy” Aquino II.

Gipundok ang mga malampusong natigom nga accomplishment gikan sa inprastraktura, proyekto, programa ug ekonomikanhong pagsaka sa nasud sulod sa siyam (9) ka tuig nga pagdala sa nasud, ubay-ubay na pod nga mga on-going projects ang apil nga gi-inspeksyun niini nga gikatakdang tapuson karong Hunyo 2010 sa dili pa manaug sa iyang termino ang Pangulo. (PIA-Caraga)

Cebuano News: Lingig, Surigao del Sur gibisita ni PGMA

By Michael A. Imbo

LINGIG, SURIGAO DEL SUR (19 February) – Nahimong usa ka mabulokong higayon ang pag-adto ni Presidente Gloria Macapagal Arroyo sa hilit nga probinsya sa Surigao del Sur, alang sa pagsusi sa mga on-going projects ug apil sa Mindanao Legacy Tour niini, niadtong Martes (16 Pebrero).

Pasado alas 3:00 ang takna sa hapon, mitugpa ang presidential-helicopter ni Pres. Arroyo didto sa Sitio Kasunogan Poblacion, nin’g lungsod.

Ang Pangulo uban ang mga tag-as nga opisyal sa gabinete ang gidawat sa mga opisyales sa probinsya pinangunahan ni Surigao del Sur Gobernador Vicente Pimentel Jr., 2nd district Congressman Florencio Garay ug Lingig Mayor Jimmy Luna.

Giingon nga ika-3rd class municipality sa probinsya sa Surigao del Sur ang lungsod sa Lingig.

Sa talaan sa lungsod gibutyag nga mikabat sa 29,650 ang nanimuyong katawhan nga adunay 42,956 land area.

Misakay si Pres. Arroyo sa “King-Long Bachelor Bus Express” uban ang mga media sa rehiyon sa Caraga alang sa gipahigayong project-windshield inspection ug pakigsandurot sa publiko pinaagi sa mga natuman nga proyekto ug programa niini.

Pag-abot sa Barangay Union, sa maong lungsod gilusad ang project-briefing ni Department of Public Works and Highways Caraga Regional Director Dr. Evelyn T. Barroso alang sa nakompleto ug tiwasonon nga road-project diin gisaad nga P2-billion Surigao-Davao Coastal Road ubos sa President Arroyo's SONA (State-of-the-Nation Address) kaniadto.

Sa wala pa gisugdan ang briefing, gipaabot ni Gobernador Pimentel Jr. ang dakong pagpasalamat ngadto sa Presidente sa Pilipinas sa mga natabang niini para sa probinsya sa Surigao del Sur.

Human sa hamubo nga programa, mihapit ang Presidente sa Munisipyo sa Lingig aron bisitahon ang kapin 5, 000 ka mga estudyante, magtutudlo, opisyales sa barangay, mga benipisyaryo sa “Pantawid Pamilyang Pilipino Program” kon (4P’s) alang sa pagpakita’g dakong pasalamat sa mga gibubo nga programa ug proyekto sa administrasyong Arroyo.

Si Mayor Jimmy Luna sa iyang bahin ang mipagawas sa emosyon sa dakong pagpasalamat kang Presidente Arroyo sa garbong pagbisita niini sa lungsod gumikan kay mimarka kini sa ilang “historical” sa unang higayon nga giadtoan kini sa Presidente sa Republika ng Pilipinas.

Ang Lingig ang nahimutang sa pinakahilit sa probinsya sa Surigao del Sur nga naka-boundary sa north sa Bislig City ug parte sa south Boston, Davao Oriental. (PIA-Caraga)