Cebuano News: Ipisyente nga pagdumala sa panalapi gipatuman ni Gob. Ace Barbers; Local Tax Conciousness Month Culmination Program ipahigayon
Sa dakong tinguha sa batan-ong Gobernador Robert Ace Barbers alang sa usa ka ipisyente nga pagdumala sa panalapi, ang Provincial Treasurer’s Office mopahigayon sa Local Tax Conciousness Month Culmination Program, karong adlawa, Enero 29, 2009 sa may ala 1:00 ang takna sa hapon sa Provincial Convention Center.
Aduna kini mga nagkadaiyang mga kalihukan sama sa Poster Slogan-Making Contest, Essay-Writing ug Tax Quiz nga pagasalmutan sa nagkalain-laing secondary schools sa probinsya.
Tumong ug tinguha usab sa maong kalihukan nga pinaagi sa niini nga adbokasiya, madugangan ang kahibalo sa mga katawhan ug usab pati na ang mga kabatan-onan kabahin na sa local tax, ug usab aron madugangan ang koleksyon sa buwis nga maoy mamahimong pundo aron hugtanong mapatuman ang uban pa nga mga de kalidad nga mga proyekto sa probinsya ubos sa pangalagad sa buotang Gobernador Ace Barbes.
Dili palang dugay ang mga nagkadaiyang tulungha-an sa matag munisipyo mipahigayon na sa ilang mga preliminary contests, ug ang mga mananaog sa matag lungsod maoy magsangka para sa Provincial-level Competition. Ang first prize modawat sa P3,000, second prize P2,000 ug ang 3rd Prize P1,000.
Dako ang panghinaut ni Gob. Ace ug ang Treasurer’s Office nga mamahimong malampuson ang maong kalihukan aron sa ika-ugmad sa panalapi sa matag lungsod ug sa probinsya ug usab paghatag ug dugang kahibalo sa mga kabatan-onan diin kini makahatag kanila ug “sense of responsibility” ngadto sa katilingban pinaagi sa Local Taxes. Dako ang kalipay sa maong mga nagdumala sa walay puas nga suporta nga gihatag sa atong maalagarong gobernador Ace Barbers sa tanan nilang programa ug mga kalihukan. (PGO-Media Bureau/PIA-Surigao del Norte)
Cebuano News: Tungod sa dakong suporta ni Gob. Ace Barbers, ubay-ubay nga mga Emergency Relief Assistance gipahigayon
Dako ang kalipay ug pasalamat sa mga residente sa pipila ka mga munisipyo sa probinsya sa paghatag ni Gob. Ace Barbers ug dakong pagtagad sa ilang mga panginahanglanon ug hilabi na usab ang iyang tiunay nga suporta sa mga programa ug kalihukan sa Provincial Social Services Office.
Sa milabay nga semana, dili palang dugay, ang mga kadagku-an ug mga empleyado sa Provincial Social Services Office-Social Welfare Division ug Provincial Enginering Office, mipahigayon ug pang apud-apud ug mga relief goods sama sa bugas, noodles, ug mga de lata didto sa mga biktima sa bagyong “Auring” nga nagdala sa hilabihang kakusog sa huros sa hangin ug walay hunong nga pagbundak sa ulan, nga maoy hinungdan sa pagbaha, pag-usbaw sa tubig sa atong mga kadagatn ug mga suba ug usab ang pagkaguba sa mga pipila ka mga balay sa probinsya.
Adunay halos 1,100 ka pamilya ang natabangan sa mga lungsod sa Sta. Monica, Burgos, Pilar ug Dapa.
Dugang pa niini, malampusong gipahigayon ang usa ka laing Emergency Relief Assistance sa halos 1,200 ka mga pamilya didto sa mga nagkadaiyang evacuation centers sa mga lungsod sa Mainit, Placer, Bacuag, Gigaquit ug Claver.
Dako ang kadasig ug pagtinambayayungay ang gipakita sa maong mga nagdumala sa pagpanghatag tungod usab sa kanunayng tinguha sa atong buotang gobernador, Ace Barbers nga iya gayung tumanon ang tanan niyang mga saad sa pagpangalagad sa tanan panahon tungod kay dako ang iyang panglantaw sa kaayuhan sa mga katawhan labi na ang naa sa mga hilit nga mga kabarangayan.(PGO-Media Bureau/PIA-Surigao del Norte)
