1.13.2009

PIA News Service - Tuesday, January 13, 2009

Tago River submerged 2 towns in Surigao del Sur

Tandag City (January 13) – Due to continuous rain and strong winds experienced in Surigao del Sur which started Sunday, January 11, the municipality of San Miguel and Tago were affected by floods where Tago River in San Miguel overflowed yesterday at around 6 pm.

The affected areas were Barangays of Poblacion, Siagao, San Roque, Libas Sud and Libas Gua.

Partially flooded areas are barangays Tina, Patong, Castillo, Bolhoon, Sagbayan, Magroyong and Mahayag, both in the Municipality of San Miguel, this province.

As of press time, assessment of families affected as well as the damages brought by heavy rain is still on going in the said area.

Meanwhile, 16 barangays in Tago were also affected by floods resulted to several damages in crops, fisheries, livestocks, houses and other personal belongings estimated at about Php550,000.00.

Affected areas were the barangays of Layog, Badong, Bansud, Umbay, Lindoy, Anahao Bag-o, Anahao Daan, Kinabigtasan, Sumo-sumo, Unidos, Gamut, Purisima, Bajao, Dayoan, Cagdapao and Victoria.

According to the provincial office of the Department of Social Welfare and Development (DSWD) here, a total of 806 families and 3,131 dependents were affected and 20 houses were partially-damaged.

The local government of Tago immediately provided assistance such as foods, pump boats, and other equipment on the said areas. (Nida Grace B. Tranquilan, PIA-Surigao del Sur)


Cebuano News: FISH, mipahigayon ug coastal law enforcement workshop sa Surigao Norte

Surigao del Norte (13 January) - Sa malampusong mga programa ni Governor Ace Barbers sa pagprotiher sa atong kinaiyahan, ubay-ubay karon nga mga nagkadaiyang mga ahensya nga mipakita sa ilang kadasig ug pagsuporta sa maong dalaygon nga programa, ug gani kagahapong adlawa, Enero 12, gisugdan ang Coastal Law Enforcement Workshop didto sa Provincial Convention Center sa kapitolyo. Kining maong kalihukan muluntad hantod sa Enero 14, 2008.

Ang FISH Project usa ka inisyatibo sa gobyerno diin gi-implementar uban sa pakigtambayayong sa Department of Agriculture – Bureau of Fisheries and Aquatic Resources, mga ahensya sa National Government, LGU ug mga stakeholders.

Ang maong kalihukan gitinguha nga mahatagan ug dugang kahibalo ang mga katawhan hilabi na ang mga mintambong bahin na sa mga maayo ug bag-ong “features” sa Fisheries Code ug usab ang pagpahibalo sa mga basic coastal and fisheries law enforcement principles.

Gipaningkamutan usab sa maong proyekto nga mahatagan ug tukmang tubag ang mga nagkadaiyang mga isyus bahin sa pagpatuman sa mga coastal and fisheries law dinhi sa probinsya.

Sa samang higayon, giproklamar ug gidasig usab ang mga examinees nga mipresentar sa probinsya sa Surigao del Norte nga malampusong misud-ong ug mga pagbansay-bansay didto sa Sugbo. Ang mga examinees mao sila Reovic Matildo nga nahimutang sa 7th rank sa listahan sa maong exam; Bonifacio Modanza sa 8th place; Celso Aliwanag para sa 10th place; Jose Boloron; Leo Anthony Casurra; Victor Cruje; Retznel Galanida: ug Ramon Revelo.

Gipanghina-ot sa maong proyekto nga ang tanang katawhan magiyahan sa maong pagpakabana sa pagprotiher sa atong kinaiyahan kay dako gayod ang mamahimong epekto niini sa tanang katilingban ug usab gipanglantawan sa pangagamgahanan ni Gob. Ace Barbers nga madugangan pa ang kadasig ug pagtambayayungay sa mga katawhan labi na ang naa sa mga ubang buhatan nga maglusad usab sama nga mga katawhan labi na ang naa sa mga ubang buhatan nga maglusad usab sama nga mga pamaagi aron makab-ot gayud ang tinuod nga kalambo-an ug kauswagan sa atong katilingban. (PGO-Media Bureau/PIA-Surigao del Norte)


Cebuano News: Early voting, dako ug tabang sa COMELEC ug matigayon

Namahayag ug pag-uyon ang COMELEC sa usa ka balaodnon nga gipasa karon didto sa ubos-balay balauranan ni Cagayan de Oro Representative Rufos Rodriguez nga nagsugyot sa pagpahigayon ug Early Voting. Subay sa impormasyon nga gipagawas, sugdan na ang pagdawat ug mga botante nga buot mobotar tulo ka bulan sa dili pa ang adlaw sa piniliay.

Tumong matud pa niini nga modako pa ang porsiento sa mga makabotar ug makuhaan pa ang gibug-aton sa trabaho sa COMELEC. Ang maong pamaagi gisunod sa piniliay didto Estados Unidos nga mas epektibo. Importante nga maseguro sumala pa ang proteksiyon sa matag balota nga maoy nag-unang kaakuhan sa COMELEC.

Nahibaloan na nga nagsugod na ang mga preperasyon sa COMELEC alang sa nasudnong piniliay sa Mayo 2010 sama sa continuing registration ug pagtuki sa kinatibuk-ang listahan sa mga rehistradong botante nga kwalipikado pag makabotar sa umaabot nga eleksiyon.

Samtang namahayag ug iyang panglantaw sa sugyot nga Early Voting si Provincial Election Supervisor Alma Acosta. Sumala pa niya nga kung ugaling matigayon ang maong balaodnon sa kongreso, makatabang ug daku kanila dili lamang sa gidaghanon sa trabaho apan malikayan usab ang reklamo sa pagpanglimbong.

Apan, gipamahayag usab niya nga gikinahanglan na nga computerized ang eleksiyon aron matigayon kining Early Voting. Sumala pa ni Mrs. Acosta nga malaumon sila nga basin kung ang naasoy nga balaodnon makatabang sa katumanan sa ilang handum nga makapahigayon ug Full Automation sa May 2010 Presidential Elections. Gitin-aw ni Mrs. Acosta nga buot lamang nila nga makahimo ug proklamasyon sulod as 24 oras human nga piniliay tungod kung malangan kini mas daghan matud pa ang mogawas nga mga pagduda ug reklamo.

Dugang pa niya nga sa computerization walay matud pa pre-proclamation issue nga mapasaka sa matag kandidato ug usa kini sa makapaspas sa proseso. (Nerissa Espinosa, Radyo ng Bayan-Tandag/ PIA-Caraga)


Cebuano News: Rehistro sa bag-o nga mga botante gipahigayon na sa COMELEC-Surigao del Sur

Nanawagan na usab ang buhatan sa Comelec dinhi sa probinsiya sa katawhan ilabina niadtong dili pa rehistrado nga mobisita na sila sa ilang buhatan.

Sumala pa ni Mrs. Alma Acosta, Provincial Election Supervisor nga mahinay pa gihapon ang continuing registration nila bisan pa man kung nagtuo siya nga ubay-ubay na ang kwalipikadong magparehistro.

Gikabalak-an niya niya nga mahitabo na usab nga hulaton ang deadline sa Disyembre 15, 2009 kon diin magpunsisol na nag mga tawo ug sila na usab ang mabasulon. Ang continuing registration nagsugod na niadtong Enero 5, 2009. (Nerissa Espinosa, Radyo ng Bayan-Tandag/ PIA-Caraga)


Cebuano News: PGMA 4Ps, gisugdan na ang validation sa 4 ka lungsod sa Surigao del Sur

Gikatakda na nga sugdan ang validation niadtong Lunes, Enero 12 sa upat ka mga Lungsod nga napili sa Department of Social Welfare and Development (DSWD)-Caraga Regional Office alang sa Pantawid Pamilyang Pilipino Program(4Ps).

Sa impormasyon nga gitunol ni DSWD-13 Regional Director Mercedita Jabagat nga mokabat sa tulo ngadto sa upat ka adlaw matag munisipyo ang pag-validate sa mga pamilyang mahimong benepisyaryo sa programa ug matapos kini, magsugod na nag paghatag sa binulan nga ayudang pinansiyal pinaagi sa Landbank of the Philippines (LBP) sa bulan sa Pebrero.

Ang mga napiling lungsod dinhi sa Surigao del Sur mao ang San Miguel, Marihatag, Tagbina ug Lingig. (Nerissa Espinosa, Radyo ng Bayan-Tandag/ PIA-Caraga)



Cebuano News: DOLE-Surigao del Sur - Best Performing Provincial Office sa tibuok Caraga

Usa ka mabungahon ug maayong tuig ang 2008 alang sa Department of Labor and Employment (DOLE) Surigao del Sur Office. Kini ang gibutyag ni Provincial Director Hermie Daytoc sa Radyo ng Bayan-Tandag City.

Sumala pa niya, kasamtangan pa nga gihimo nila ang consolidation sa tanang nahimo nila sa miaging tuig, apan karon pa lamang malipayon na siya s nahimong dagan sa ilang trabaho. Gani, nagpamatuod sumala pa niini mao ang pasidungog nga nadawat nila niadtong miaging Disyembre 8, 2008 kon diin and DOLE-SDS maoy gideklarar nga Best Performing Provincial Office sa tibuok Caraga Region.

Kalabot pa niini nga taho, dungan sa paghan-ay sa mga accomplishments sa DOLE SDS Provincial Office alang sa tuig 2008, Nakahan-ay na usab ang mga Priority Plans and Programs nila karong tuiga.

Sumala pa ni DOLE Provincial Hermie Daytoc nga pipila niini mao ang pagpahigayon ug Employment Guidance Seminar alang sa mga High School ug College students sa unang quarter. Tinguhaon usab ang pagpatawag ug tigum sa mga rural workers kon Peoples Organizations nga buot magpakuha ug ayudang pinansiyal alang sa ilang mga proyekto.

Apil na usab ang giplanuhan nga Coordinative Meeting tali sa mga pribadong kompaniya sama sa mga mining companies aron pagkuha sa ilang commitment nga motabang sa kagamhanan sa programang Job Generation. Gawas pa sa mga Emergency ug Livelihood Programs sa Kagamhanan kon diin lead agency niini ang DOLE. (Nerissa Espinosa, Radyo ng Bayan-Tandag/ PIA-Caraga)